Pucin na pasiadžeńni ŠAS znoŭ zajaviŭ, što Zachad spravakavaŭ napad Rasii na Ukrainu
Kiraŭnik Rasii Uładzimir Pucin na pasiadžeńni Rady kiraŭnikoŭ dziaržaŭ-udzielnic Šanchajskaj arhanizacyi supracoŭnictva znoŭ paŭtaryŭ svoj tezis pra toje, što napad Rasii na Ukrainu nibyta byŭ spravakavany Zachadam, paviedamlaje «Ukrainskaja praŭda».
«Kryzis va Ukrainie (tak Pucin nazyvaje vajnu RF suprać Ukrainy. — zaŭv.) uźnik nie ŭ vyniku napadu Rasii, a ŭ vyniku dziaržaŭnaha pieravarotu va Ukrainie, jaki byŭ padtrymany i spravakavany Zachadam. A zatym — sprobami z dapamohaj uzbrojenych sił padavić supraciŭ tych rehijonaŭ Ukrainy i tych ludziej, jakija hety pieravarot nie pryniali, nie padtrymali. I druhaja pryčyna kryzisu zaklučajecca ŭ pastajannych sprobach Zachadu ŭciahnuć Ukrainu ŭ NATA, što, jak my šmatkroć padkreślivali i havaryli, pryčym na praciahu mnohich hadoŭ, ujaŭlała pramuju pahrozu biaśpiecy Rasii», — skazaŭ prezident Rasii.
Pucin dadaŭ, što jon «vysoka cenić namahańni i prapanovy Kitaja, Indyi i inšych stratehičnych partnioraŭ, pryznačanych sadziejničać urehulavańniu».
«Zaŭvažu, što parazumieńni, dasiahnutyja na niadaŭniaj rasijska-amierykanskaj sustrečy na Alascy, spadziajusia, taksama iduć u hetym napramku, adkryvajučy šlach da miru va Ukrainie», — zajaviŭ kiraŭnik Kramla.
Pry hetym Pucin tradycyjna dadaŭ, što dla spynieńnia rasijskaj ahresii suprać Ukrainy «pavinny być likvidavany pieršapryčyny kryzisu va Ukrainie i adnoŭleny bałans u śfiery biaśpieki».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak4
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
I eto my nikohda nie zabudiem.
A,da—pro słavianskoje bratstvo zabud́tie navsiehda.