Za try dni da finału čempijanatu śvietu pa futbole, jaki adbudziecca ŭ niadzielu na stadyjonie ŭ Ist-Ruterfordzie la Ńju-Jorka, uvieś štat Ńju-Jork i častka štata Ńju-Džersi achutany dymam.
Ułady vypuścili papiaredžańni ab vielmi nizkaj jakaści pavietra z-za dymu ad bolš čym 100 lasnych pažaraŭ u Kanadzie, piša Bild.
Amierykanskija śpiecyjalisty rekamiendujuć nasielnictvu abmiežavać abo całkam vyklučyć znachodžańnie na adkrytym pavietry, nasić achoŭnyja maski pry vychadzie na vulicu, a taksama padtrymlivać čyściniu pavietra ŭ pamiaškańniach, začyniajučy vokny i vykarystoŭvajučy ačyščalniki pavietra abo kandycyjaniery.
Z-za mocnych lasnych pažaraŭ u sieradu ŭ kanadskim miehapolisie Taronta taksama byŭ zafiksavany nizki ŭzrovień jakaści pavietra. Šlejfy dymu z paŭnočna-zachodniaj častki pravincyi Antaryjo nakryli horad i rušyli dalej na paŭnočny ŭschod ZŠA, zaciahnuŭšy nieba dymkaj.
Sami lasnyja pažary bušujuć u małanasielenych rajonach za sotni kiłamietraŭ ad Taronta i nie ŭjaŭlajuć niepasrednaj pahrozy dla haradoŭ.
Pavodle danych urada, u sieradu pa ŭsioj krainie dziejničała kala 835 pažaraŭ, pryčym 112 ź ich byli kłasifikavanyja jak «niekantralujemyja». Na hety momant vyhareła terytoryja płoščaj 1,9 miljona hiektaraŭ.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli7
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2424
Kamientary