Nestlé звольніла свайго генеральнага дырэктара за раман з падначаленай
Ларан Фрэйшэ быў кіраўніком карпарацыі ўсяго год. І пайшоў без выходнай дапамогі.
Кампанія Nestlé нечакана звольніла свайго генеральнага дырэктара Ларана Фрэйшэ за тое, што ён завёў раман з падначаленай і не паведаміў пра гэта. Ён не атрымае выходнай дапамогі.
Фрэйшэ працаваў на пасадзе кіраўніка кампаніі ўсяго год. Яго паводзіны расследавала камісія пад наглядам старшыні праўлення Поля Бульке, піша Reuters.
Высветлілася, што Фрэйшэ завёў раман з непасрэднай падначаленай і не паведаміў пра гэта, парушыўшы кодэкс дзелавых паводзін кампаніі.
«Гэта было неабходнае рашэнне. Каштоўнасці і прынцыпы кіравання Nestlé — гэта трывалая аснова нашай кампаніі. Я дзякую Ларану за гады яго службы», — заявіў Бульке.
Прадстаўнік кампаніі паведаміў, што інфармацыя аб магчымых адносінах паміж Фрэйшэ і яго непасрэднай падначаленай упершыню з'явілася вясной праз унутраную гарачую лінію кампаніі. Па яго словах, савет дырэктараў неадкладна пачаў расследаванне, якое, аднак, не дало канчатковых вынікаў.
Паколькі чуткі не пераставалі, кампанія распачала другое расследаванне пад наглядам Бульке. Расследаванне даверылі старонняй фірме, і яно пацвердзіла службовы раман. Фрэйшэ спачатку адмаўляў гэтыя адносіны перад радай дырэктараў.
Нечаканае звальненне генеральнага дырэктара адбылося роўна праз год пасля таго, як Nestlé звольніла яго папярэдніка Марка Шнайдэра.
Новым генеральным дырэктарам найбуйнейшага вытворцы прадуктаў харчавання стаў Філіп Наўраціл, які ўзначальваў кававае падраздзяленне кампаніі Nespresso. Ён працуе ў Nestlé з 2001 года.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення8080
Каментары
Женат на Нестле и замужем за Нестле.