«Мы зрабілі ўсё магчымае, каб канцэрт адбыўся. На жаль, абставіны склаліся інакш». У інстаграме з'явілася абвестка ад арганізатараў канцэрта Макса Каржа — выступу 6 верасня не будзе.
Падрыхтоўка да канцэрта вялася з лістапада 2024 года. Каманда з больш чым 500 спецыялістаў з краін СНД і Еўропы працавала над падрыхтоўкай. У студзені былі пададзены ўсе неабходныя дакументы для атрымання дазволу на правядзенне мерапрыемства. Яшчэ 7 і 11 лютага атрымалі адказ ад дзяржаўных органаў горада Алматы. На падставе гэтых дакументаў 13 сакавіка быў заключаны дагавор з Дырэкцыяй спартыўных збудаванняў і ўнесена перадаплата, распавядаюць арганізатары.
Пасля леташняй адмены канцэрта, для пацвярджэння дасягнутых дамоўленасцей, 10 сакавіка Дырэкцыя спартыўных збудаванняў апублікавала афіцыйны допіс пра тое, што канцэрт адбудзецца.
Ужо 17 сакавіка білеты паступілі ў продаж і ў самыя кароткія тэрміны былі раскуплены, на канцэрт ехала больш за 17 000 турыстаў, а ў цэлым было прададзена 35 000 білетаў.
Але 27 жніўня з'явіўся допіс у афіцыйным акаўнце Дырэкцыі аб адмене канцэрта, звязанай з тэхнічным станам поля.
«Афіцыйна заяўляем: канцэрт Макса Каржа на Цэнтральным стадыёне 6 верасня не адбудзецца», — напісалі арганізатары.
«Мы хочам падкрэсліць: падрыхтоўка вялася да апошняга моманту, і мы зрабілі ўсё магчымае, каб канцэрт адбыўся. На жаль, абставіны склаліся інакш. Прыносім шчырыя прабачэнні кожнаму гледачу і асобна прыносім прабачэнні тым, хто ўжо прыляцеў і прыехаў у Алматы з іншых краін. Мы вельмі спадзяёмся на ваша разуменне», — напісалі арганізатары.
Грошы за квіткі абяцаюць вярнуць.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары20
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары