«Нават у думках не было». У Крамлі заявілі, што Пуцін, Сі і Кім не плялі змову супраць ЗША
Лідары Расіі, Кітая і КНДР не строілі «змову супраць ЗША», сабраўшыся на ваенным парадзе ў Пекіне з нагоды 80‑годдзя заканчэння Другой сусветнай вайны, заявіў памочнік расійскага прэзідэнта Юрый Ушакоў.
Так ён адрэагаваў на словы амерыканскага прэзідэнта Дональда Трампа, які абвінаваціў Уладзіміра Пуціна, Сі Цзіньпіна і Кім Чэн Ына ў тым, што яны вырашылі зладзіць змову за яго спіной.
«Я хачу сказаць, што ніякіх змоў ніхто не рабіў, ніхто нічога «не плёў», больш за тое, у думках нават гэтага ні ў каго не было, ні ў каго з гэтых трох лідараў», — сказаў Ушакоў журналісту кремлёўскага пулу Паўлу Зарубіну.
Па словах прадстаўніка Крамля, у Маскве, Пекіне і Пхеньяне «усё разумеюць», якую ролю граюць ЗША, адміністрацыя Белага дома і асабіста прэзідэнт Дональд Трамп «у сучасных міжнародных раскладах». Пры гэтым Ушакоў выказаў надзею, што Трамп «не без іроніі» згадаў пра «змову».
Дональд Трамп, каментуючы ваенны парад у Пекіне, напісаў: «Галоўнае пытанне, на якое трэба адказаць, заключаецца ў тым, ці згадае старшыня КНР Сі пра тую велізарную падтрымку і «кроў», якую ЗША аказалі Кітаю, каб дапамагчы яму здабыць СВАБОДУ ад надзвычай варожага замежнага захопніка. Многія амерыканцы загінулі ў барацьбе Кітая за перамогу і славу».
Ён таксама пажадаў лідару КНР і кітайскаму народу правесці «цудоўнае свята», але дадаў: «Калі ласка, перадайце мае самыя цёплыя пажаданні Уладзіміру Пуціну і Кіму Чэн Ыну, пакуль вы плануеце змову супраць Злучаных Штатаў Амерыкі», — дадаў Трамп.
У Пекіне прайшоў маштабны вайсковы парад. Лідар КНР заявіў, што Кітай не спыніць
Кім Чэн Ын запрасіў Лукашэнку ў КНДР. У Беларусь можа прыехаць Роберт Фіца
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Пуцін і Аліеў сустрэліся ў Кітаі, але сустрэча была халоднай
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»18
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары