Пад Мінскам прадаецца палац з двума басейнамі, СПА-комплексам і люстрай ростам з чалавека
У вёсцы Сасновая, прыкладна за 15 кіламетраў ад станцыі метро «Уручча», выставілі на продаж асабняк плошчай амаль у тысячу квадратных метраў. Пытанне цаны — 4 мільёны даляраў, піша Onliner.by.
Дом пабудаваны ў 2017 годзе, вышыня столяў у асобных памяшканнях дасягае пяці метраў. Гэта не проста жыллё, а сапраўдны палац: тут пяць спальняў (кожная — з асобнай ваннай), некалькі гардэробных, прасторная гасцёўня з кухняй і віннай шафай.
Інтэр’ер атрымаўся класічным: на сценах люстэркі, панэлі з эпаксіднай смалы і молдынгі, паўсюль бляск і пазалота.
Асаблівай увагі заслугоўвае велізарная крышталёвая люстра над лесвіцай — здаецца, што яна ростам з чалавека.
Спальні вытрыманыя ў больш спакойных танах, хоць і там ёсць ноткі раскошы: аксамітныя падгалоўі ў ложкаў, цяжкія парцьеры
Ёсць у катэджы і такія рашэнні, якіх тут дакладна не чакаеш убачыць. Напрыклад, у адным з пакояў можна знайсці фоташпалеры з чалавекам-павуком. Відавочна, што гэта дзіцячы пакой.
Ну ці ўладальнік у юнацтве марыў, што яго ўкусіць радыеактыўнае насякомае, але гэтага так і не дачакаўся… Таму вырашыў увасобіць мару ў рэальнасць хаця б такім спосабам.
Яшчэ адна спальня аформленая ў ружовых танах — магчыма, гэта пакой для дзяўчынкі.
Вялікую ўвагу гаспадар надаў зоне адпачынку. На цокальным паверсе размясціўся сапраўдны СПА-комплекс: хамам, саўна і басейн.
Таксама тут ёсць трэнажорная зала, більярдная, тэнісны стол.
Звонку — яшчэ адзін басейн пад адкрытым небам, акружаны лежакамі.
Акрамя асноўнага катэджа, на тэрыторыі размешчаны гасцявы дом на 100 «квадратаў», дадатковы будынак для адпачынку і альтанка, дзе можна ладзіць барбекю.
Увесь гэты комплекс каштуе 4 000 000 даляраў па курсе.
Цікава, што ў той жа вёсцы не так даўно прадаваўся вельмі падобны дом. Магчыма, у іх адзін і той жа архітэктар, а можа, нават уласнік.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары