Наркотыкі, піратэхніка, падробка білетаў: за што затрымлівалі беларусаў на канцэрце Каржа
У паліцыі Варшавы паведамілі тэлеканалу «Белсат», за якія злачынствы затрымлівалі грамадзянаў Беларусі на канцэрце Макса Каржа. Сярод правапарушэнняў — захоўванне наркотыкаў, спроба пранесці піратэхніку і падробка білетаў. За гэта былі затрыманыя 7 беларусаў.
Агулам, як паведамлялася, на канцэрце беларускага спевака Макса Каржа на Нацыянальным стадыёне ў Варшаве 9 жніўня затрымалі 109 чалавек, сярод іх было 13 грамадзян Беларусі. Шасцёра ўчынілі дробныя парушэнні, а сямёра — крымінальныя злачынствы.
У прэс-службе варшаўскай паліцыі «Белсату» раскрылі, якія менавіта злачынствы здзейснілі грамадзяне Беларусі:
«Захоўванне наркотыкаў, пранясенне піратэхнічных вырабаў на масавае мерапрыемства, падробка квітка, парушэнне асабістай недатыкальнасці і парушэнне парадку правядзення масавага мерапрыемства. Грамадзяне Беларусі таксама былі затрыманыя за невыкананне загадаў праваахоўных органаў».
У паліцыі таксама нагадалі, што пытанне дэпартацыі парушальнікаў вырашаюць памежнікі.
25 жніўня прэс-служба Памежнай аховы Польшчы паведамляла, што трох беларусаў ужо дэпартавалі: адзін выехаў добраахвотна, двух вывезлі прымусова. Агулам, як казаў прэм'ер Дональд Туск, з Польшчы планавалі выслаць шасцярых грамадзян Беларусі.
Праз тыдзень пасля канцэрту Макс Корж у сваім інстаграме назваў недапушчальнымі гвалт і агрэсію:
«Сябры, няма месца радыкальнаму нацыяналізму на канцэртах, гэтак жа як і агрэсіі ды гвалту з любога боку. Гэта супярэчыць самай сутнасці канцэртаў. Толькі ўзаемная павага. Падобныя правакацыі распальваюць міжнацыянальную варожасць, а значыць — недапушчальныя».
У Gazeta Wyborcza з'явіўся зварот палякаў да Туска, у якім рэзка асуджаюцца дэпартацыі пасля канцэрта Каржа
«Корж ультануў». А чаму ўльтануў?
Пазняк жорстка выказаўся пра Каржа: Антыэстэтычнае, антымастацкае шарлатанства, разлічанае на дэгенератыўнае ўспрыняцце
Украінец, які прыйшоў са сцягам УПА на канцэрт Каржа, запісаў выбачальнае відэа
На канцэрце Каржа варшаўская паліцыя затрымала 109 чалавек. І правярае лозунгі, якія гучалі на стадыёне
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары
Фанаты Каржа паводзілі сябе як быдла? Так. Многіх дэпартавалі за тыя паводзіны, парушэнне законаў? Так. Ці месца такім рускім пацанам ў цывілізаваным грамадстве? Лічу, што не, маю права на меркаванне і яе публікацыю.
[Зрэдагавана]
Лапідарная карціна свету і спробы тлумачэнняў усяго на свеце зноў міма. З першакрыніцамі лапідарнасці даўно ўсё зразумела.
Цікава, што зараз заспяваюць пра злых палякаў цвёрдыя аматары лапідарнай базы?