У аэрапорце Вільні з-за дрона затрымалася пасадка самалёта з прэзідэнтам Літвы
Самалёт Spartan з прэзідэнтам Гітанасам Наўседам на борце некаторы час не мог прызямліцца ў Віленскім аэрапорце — меркавана з-за выяўленага беспілотніка, паведамляе LRT.
«Пры набліжэнні да Віленскага аэрапорта паступіла інфармацыя пра выяўленне беспілотніка і пра тое, што пасадка пакуль небяспечная. Пілоты прынялі ўсе меры бяспекі і праз некаторы час здзейснілі пасадку», — паведаміў прэс-сакратар прэзідэнта Томас Бержынскас парталу 15min.
Паводле даных платформы Flightradar24, самалёт вылецеў з Хельсінкі а 19:10, пачаў кружыць над Вільняй і прызямліўся ў 21:17.
Кампанія Oro navigacija удакладніла, што паведамленне пра дрон над раёнам Лепкальніс, што прымыкае да аэрапорта, паступіла ад Службы авіяцыйнай бяспекі Lietuvos oro uostai.
«Затым былі актываваныя працэдуры бяспекі: палёты былі ненадоўга прыпынены, а пасля атрымання інфармацыі пра адсутнасць пагрозы рух аднавіўся. Мы сумесна з іншымі службамі высвятляем, які менавіта дрон парушыў рух самалётаў», — гаворыцца ў каментары кампаніі.
У канцы жніўня палёты ў Віленскім аэрапорце таксама часова прыпыняліся з-за дрона. Тады меркавалася, што ён належаў прыватнай ахоўнай кампаніі Ekskomisaru biuras, аднак яе кіраўнік Вітаўтас Лабяцкас гэта абверг.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка8
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары