Пуцін і Сі абмяркоўвалі, як дажыць да 150 гадоў. Мікрафон быў не выключаны
Трансляцыя з ваеннага парада ў Кітаі ў сераду запісала размову Сі, Пуціна і Кіма пра даўгалецце.
Кіраўнік Кітая Сі Цзіньпін загаварыў пра магчымасць пражыць да 150 гадоў падчас размовы пры ўключаным мікрафоне з расійскім і паўночнакарэйскім калегамі.
Размова паміж Сі Цзіньпінам, Уладзімірам Пуціным і Кім Чэн Ынам выпадкова трапіла ў жывы эфір.
Спачатку чуваць, як Сі кажа па-кітайску «ў нашы дні» і «70 гадоў».
Затым можна было пачуць, як перакладчык, відаць, перадаючы словы Сі, кажа па-руску: «Раней людзі рэдка дажывалі да 70, але ў нашы дні ў 70 гадоў ты яшчэ дзіця».
Затым Пуцін адказвае, жэстыкулюючы падчас размовы, але яго слоў не было чуваць выразна на запісе.
Пасля ж перакладчык перадае словы расійскага лідара:
«З развіццём біятэхналогій чалавечыя органы можна бесперапынна трансплантаваць, і людзі могуць станавіцца ўсё маладзейшымі і маладзейшымі і нават дасягнуць неўміручасці».
Затым было чуваць, як асобны перакладчык паўтарае па-карэйску згадку пра трансплантацыю органаў.
Пасля гэтага пайшла карцінка з іншай камеры, але словы Сі Цзіньпіна ўсё яшчэ выразна чуваць: «Прагнозы такія: у гэтым стагоддзі ёсць шанец таксама пражыць да 150».
Узрост і здароўе лідараў з'яўляюцца прадметам абмеркавання грамадскасці. 72-гадовы Сі скасаваў абмежаванні тэрмінаў кіраўніцтва і разлічвае на чацвёрты тэрмін у 2027 годзе. Пуцін, таксама 72-гадовы, таксама змяніў законы сваёй краіны, каб дазволіць сабе кіраваць Расіяй даўжэй.
Кіраўнік Паўночнай Карэі, якому 41 год, ішоў побач і ўсміхаўся. Лукашэнка, якому 71, шкандыбаў крыху ззаду, выціраючы пот з ілба.
Пасля сустрэчы з Пуціным спецслужбы КНДР знішчылі ўсе сляды Кіма Чэн Ына: посуд забралі, крэсла прадэзынфікавалі
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам20
Каментары