У межах саміта ШАС у Кітаі прэм’ер-міністр Славакіі Роберт Фіца сустрэўся з Уладзімірам Пуціным. На сустрэчы ён зрабіў некалькі заяваў, паведамляе тэлеканал «Дождь».
У прыватнасці, раскрытыкаваў палітыку шэрагу краін ЕС (куды ўваходзіць і Славакія): «Часам у мяне такое ўражанне, што мы ў Еўрасаюзе, як жаба, што сядзіць на дне калодзежа, і мы не бачым, што знаходзіцца наверсе. Але свет зусім іншы»
«Я проста не прымаю тую крытыку, з якой выступілі асобныя краіны — члены ЕС, бо ў мяне ў галаве ўсё па паліцах раскладзена», — сказаў Фіца.
Ён таксама заявіў, што Украіна не павінна стаць членам НАТА (але зможа ўвайсці ў ЕС) і што атакі УСУ на нафтаправод «Дружба» недапушчальныя — пра што Фіца пазней на гэтым тыдні яшчэ будзе гаварыць з Зяленскім 5 верасня ва Ужгарадзе.
А яшчэ сказаў, што гатовы выкарыстаць сустрэчу з Пуціным для перадачы паслання ад Расіі Еўрасаюзу.
Пуцін у адказ на параўнанне ЕС з жабай з казкі заявіў, што «не хоча параўноўваць Еўрасаюз і НАТА з паўзучымі жывёламі — яны спецыялісты не па казках, а па фільмах жахаў».
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары
Сядзіць у чорным калодзежы сваёй душы і не бачыць свету, звычайных каштоўнасцей нармальных людзей.