Zaŭtra pačynajecca razhlad spravy ab skanfiskavanych časopisach Arche
Bułhakaŭ: «Spadziajusia, heta zastaniecca ŭ pamiaci jak prykry epizod».
18 kastryčnika publicyst, redaktar časopisa «Arche» Valer Bułhakaŭ pavinien źjavicca ŭ Haradzienski abłasny haspadarčy sud. Tut budzie razhladacca sprava ab skanfiskavanych u jaho knihach i časopisach.
14 vieraśnia Valer Bułhakaŭ pryjechaŭ u Horadniu, kab pradstavić novuju knihu z seryi časopisu «Arche» «Savietyzacyja Zachodniaj Biełarusi» aŭtarstva historyka Jana Šumskaha. Čytačy zmahli nabyć knihu i papiarednija numary časopisa. Jak vyjaviłasia, na sustreču pryjšli supracoŭniki padatkovaj inspekcyi. Jany zrabili kantrolny zakup.
Byli skanfiskavanyja kala dvuchsot asobnikaŭ časopisa i knih, na jakija nie było nakładnych.Valera Bułhakava dastavili ŭ padatkovuju, adkul adpuścili pozna ŭviečary.
Spadar Bułhakaŭ adkazaŭ na niekalki pytańniaŭ:
«Jaki jurydyčny status vydaviectva «Arche»?
«Pytańnie hetaje nie zusim pravilnaje, bo takoha vydaviectva nie isnuje ŭ pryrodzie. Jość časopis „Arche“, jaki zarehistravany va ŭstanoŭlenym zakonam paradku. Jość knižki, jakija my pakazvajem našym čytačam padčas sustrečaŭ. Jany mohuć być vydadzienyja roznymi vydaviectvami. Tamu, z adnaho boku, jość peryjadyčnaja, štomiesiačnaja publikacyja časopisa „Arche“. I z druhoha boku — knižki roznych vydaŭcoŭ, jak biełaruskich, tak i zamiežnych».
«Ci jość u vas licenzija na prava handlu?»
«Licenzii na prava handlu ŭ nas nie było. I z hetym źviazanaje toje zatrymańnie, jakoje adbyłosia 14 vieraśnia. Ale ja chaču skazać, što
de-fakta ŭ eŭrapiejskich krainach skłałasia takaja tradycyja, kali drobnaja kolkaść niejkaj drukavanaj pradukcyi padčas publičnych imprezaŭ pradajecca, jak kažuć, z ruk. Kali, naprykład, vy zojdziecie ŭ Frankfurcie-na-Majnie na viadomuju mižnarodnuju knižnuju vystavu, to pabačycie — takaja praktyka tam i paŭsiul pryniataja.
Ułasna kažučy, 14 vieraśnia sytuacyja była troški nienarmalnaja, bo adbyvałasia prezentacyja nia ŭ Miensku, a ŭ Harodni. I, naturalna, vieźci z saboju kasavy aparat dziela 25 štuk knižak i časopisaŭ było nia vielmi zručna. Choć my planavali heta zrabić.
Z čysta jurydyčnaha punktu hledžańnia padatkovaja inspekcyja ŭ Harodni mieła prava zrabić toje, što jana zrabiła. Ale niama sumnievu, što heta nie zvyčajnaja, rucinnaja reč. Heta byŭ pačatak kampanii suprać našaha časopisa».
«Čaho vy čakajecie ad zaŭtrašniaha sudu? Jak buduć dziejničać ułady? Jak budziecie dziejničać vy? Ci budziecie praciahvać svaju dziejnaść?»
«Ja nie čakaju niejkich źvierskich rašeńniaŭ.
Dumaju, što ŭsio adbudziecca ŭ płoskaści skaraciečnaha razhladu i prysudžeńnia niejkaha štrafu. Spadziajusia, heta zastaniecca ŭ pamiaci jak prykry epizod».
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary