Ale heta nie padstava dla paniki.
Na Homielščynie zafiksavali prykmietnyja źmieny ŭ vybary imionaŭ dla novanarodžanych: tradycyjnyja imiony, jakija jašče paru dziesiacihodździaŭ tamu byli vielmi raspaŭsiudžanymi, siońnia praktyčna źnikli sa statystyki. Na hety fakt źviarnuła ŭvahu miascovaje ŭpraŭleńnie justycyi, piša Onliner.by.
Z pačatku hetaha hoda ŭ rehijonie nie było zarehistravana nivodnaj novanarodžanaj ź imionami Nataša, Śvieta, Ira, Hala, Lida i Luda. Jašče 20—30 hadoŭ tamu hetyja imiony ličylisia adnymi z samych papularnych i sustrakalisia amal u kožnym kalektyvie i siamji.
Pavodle statystyki, da liku amal źnikłych taksama ŭvajšli imiony Tamara, Raisa i Kłaŭdzija. Za pieršyja čatyry miesiacy hoda ŭ Homielskaj vobłaści było zarehistravana tolki pa adnoj dziaŭčyncy ź imionami Ała, Volha, Taćciana, Nadzieja, Luboŭ, Nina, Zoja i Valancina.
Siarod mužčynskich imionaŭ «tymi, što vymirajuć» na Homielščynie ciapier ličacca Barys, Hienadź i Vital — u 2026 hodzie ich nie vybrali ni razu. Nadzvyčaj redka taksama sustrakajucca imiony Anatol, Valeryj, Juryj i Vasil: kožnaje z hetych imionaŭ było zarehistravana ŭsiaho dvojčy.
Pry hetym niekatoryja kłasičnyja imiony pastupova viartajucca ŭ modu. Tak, imia Viera z pačatku hoda atrymali 20 dziaŭčynak. Siarod chłopčykaŭ znoŭ stanovicca papularnym imia Kościa — tak nazvali 18 novanarodžanych.
Uvohule, zdajecca, nieŭzabavie nastanuć časy, kali ŭžo baćki Płatonaŭ, Markaŭ i Mirasłavaŭ buduć ź niedavieram pahladać na baćkoŭ Vitalikaŭ i dumać: «Nu jany, kaniečnie, vypiendryvajucca».
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary