U centry Minska pradajuć kvateru z vychadam na dach z sanvuzła. Druhoj takoj u horadzie niama
Niestandartnuju dvuchuzroŭnievuju kvateru ŭ stalincy na vulicy Kamsamolskaj vystavili na prodaž. U joj mansardnyja vokny, stoli ŭ samaj vysokaj kropcy dasiahajuć piaci mietraŭ, a jašče jość kamin.
Adna z klučavych fišak hetaj kvatery — ułasny vychad na dach ź vializnaha sanvuzła. Jak vyhladaje heta niestandartnaje žyllo, piša Realt.by.
Pa interjery i maštabie hetaja kvatera bolš nahadvaje surjozny zaharadny dom — tut dva pavierchi, amal 170 kvadrataŭ płoščy i svoj ułasny vychad na dach. Ahient, jaki zajmajecca prodažam, žartuje, što heta varyjant «dla bahatych i pryhožych».
Ale jak by heta žyllo ni było padobnaje na pryvatny dom, znachodzicca jano na piatym paviersie ŭ šaścipaviarchovaj stalincy na Kamsamolskaj, 29 (na ŭčastku pamiž praśpiektam Niezaležnaści i vulicaj Marksa) u samym centry Minska. Dom pabudavany ŭ 1917 hodzie, a ŭ 2000‑ch jaho rekanstrujavali — nadbudavali mansardy i zrabili lifty.
Ahulnaja płošča dvuchpaviarchovaj kvatery — 167 kvadrataŭ. Na žyły mietraž prychodzicca 111 mietraŭ. Na pieršym uzroŭni — haścioŭnia, sumieščanaja z kuchniaj, spalnia, sanvuzieł i harderobnaja.
Na padłozie ŭ kvatery ŭkładziena parkietnaja doška i plitka. Stoli — šmatuzroŭnievyja, z kropkavym aśviatleńniem. Vyšynia stolaŭ u maksimalnych kropkach dasiahaje piaci mietraŭ. Mižpakajovyja dźviery vykanany z masivu.
U kuchni z techniki jość varačnaja pavierchnia, duchavaja šafa, vyciažka, chaładzilnik, pasudamyjnaja mašyna, SVČ.
Na druhim uzroŭni raźmieščana majstar-spalnia, jašče adzin žyły pakoj, harderobnaja i sanvuzieł.
Sanvuzieł pa płoščy paraŭnalny z paŭnavartasnym žyłym pakojem — jon zajmaje 17,5 kvadrata. Tut ustalavana vialikaja vanna, unitaz, hihijeničny duš. U pakoi jość akno i dźviery z vychadam na dach — atrymlivajecca svojeasablivy bałkon.
Adsiul adkryvajecca voś taki vid.
Kvateru acanili ŭ 459 tysiač dalaraŭ. Kvadratny mietr u joj vychodzić 2 747 dalaraŭ.
Ciapier čytajuć
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja7
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA6
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
P.S. Darečy, u hetym domie žyli (jašče u minułym stahodździ :), u šykoŭnaj kvatery, maje znajomyja. Kvateru paśla toj vajny atrymaŭ ich dzied, słužboviec ustanovy pa susiedstvu (dom z kałonami nasuprać pomnika Fieliksu). Nu kaniešnie! Była ž dyktatura praletaryjatu :)))