Redki amierykanski aŭtamabil sprabujuć pradać z aŭkcyjonu ŭ Homieli. Im vałodaje dziaržaŭnaja arhanizacyja
Z čaćviortaj sproby homielski «Darožna-budaŭničy trest № 2» nie zmoh pradać z aŭkcyjonu redki amierykanski aŭtamabil Cadillac Seville 1995 hoda vypusku. Takich madelaŭ, vystaŭlenych na prodaž na papularnych sajtach, u Biełarusi ŭsiaho čatyry. I ŭsie jany kaštujuć tańniej za homielski «Kadyłak», piša «Fłahštok».
Aŭtamabil pradajuć jašče z sakavika praź placoŭku «BiełJurZabieśpiačeńnie», ale nie za daŭhi.
Pieršapačatkova za aŭto prasili 33 480 rubloŭ (11,5 tysiač dalaraŭ). Paśla canu pastupova źnižali — jana apuściłasia da 23 436 rubloŭ, ale achvotnych kupić rarytet ŭsio adno nie znajšłosia — apošni aŭkcyjon znoŭ nie adbyŭsia.
U apisańni havorycca pra toje, što 30‑hadovy aŭtamabil na chadu, majucca niaznačnyja paškodžańni łakafarbavaha pakryćcia ŭ vyhladzie skołaŭ, adsutničaje AKB (aŭtamabilny akumulatar).
Redki siedan nie ekspłuatavaŭsia apošnija 10 hadoŭ. Abjom jaho bienzinavaha ruchavika jak u nievialikaha hruzavika — 4,6 litra.
Adkul u dziaržaŭnaj arhanizacyi taki redki aŭtamabil — pra heta infarmacyi niama.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu13
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3131
Kamientary