U Homieli pradali rarytetny matacykł, padniaŭšy ŭ pracesie ceńnik 481 raz
Sapraŭdny ažyjataž vyklikaŭ aŭkcyjon u Homieli pa prodažy savieckaha matacykła «Java 350-634» z kalaskaj, vypuščanaha ŭ 1974 hodzie. Niečakana dla arhanizataraŭ tarhoŭ staŭka na rarytetny bajk padymałasia 481 raz, paviedamiła Sb.by.
Jak raskazali ŭ adździele prymusovaha vykanańnia Savieckaha rajona Homiela, da ich źviarnuŭsia bank ažnosna spahnańnia z hamielčuka doŭhu pa kredycie, jaki dasiahnuŭ 40 tysiač rubloŭ.
U pracesie pracy nad hetaj prablemaj u daŭžnika była apisanaja spadčyna, jakaja dastałasia jamu ad baćki. A heta tracina haraža z matacykłam «Java» z kalaskaj i aŭtamabilem «ZAZ 968M» («Zaparožac») 1990 hoda vypusku, taksama padzielenyja pamiž spadčyńnikami.
«Paśla afarmleńnia dakumientaŭ i acenki majomaści byli abvieščanyja tarhi. Na aŭkcyjon pa prodažy matacykła zajavilisia 24 udzielniki, za dzień staŭka padymałasia 481 raz. U vyniku tracina «Javy» była pradadzienaja za 4000 rubloŭ».
Paśpiachova prajšoŭ i aŭkcyjon pa prodažy «Zaparožca». Tut aŭkcyjonny košt padymaŭsia 64 razy. Ciapier na čarzie — haraž.
Ciapier čytajuć
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»5
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Naradziŭsia bajk ŭ Čechii jašče da 2 Suśvietnaj.
I rabiŭsia ŭ Čechii, navat kali Čechiju sa Słavakijaj nazyvali ŭ Rasii dziŭnym słovam "čiechosłovakija".
Zavod jawa stvorany ŭ Čechii na pačatku 20 stahodździa, pieražyŭ i vajnu, i Hitlera, i Stalina, i ČSSR, i siońnia, jak i 95 hod tamu, žyvie i robić matacykły.