У Гомелі прадалі рарытэтны матацыкл, падняўшы ў працэсе цэннік 481 раз
Сапраўдны ажыятаж выклікаў аўкцыён у Гомелі па продажы савецкага матацыкла «Ява 350-634» з каляскай, выпушчанага ў 1974 годзе. Нечакана для арганізатараў таргоў стаўка на рарытэтны байк падымалася 481 раз, паведаміла Sb.by.
Як расказалі ў аддзеле прымусовага выканання Савецкага раёна Гомеля, да іх звярнуўся банк ажносна спагнання з гамельчука доўгу па крэдыце, які дасягнуў 40 тысяч рублёў.
У працэсе працы над гэтай праблемай у даўжніка была апісаная спадчына, якая дасталася яму ад бацькі. А гэта траціна гаража з матацыклам «Ява» з каляскай і аўтамабілем «ЗАЗ 968М» («Запарожац») 1990 года выпуску, таксама падзеленыя паміж спадчыннікамі.
«Пасля афармлення дакументаў і ацэнкі маёмасці былі абвешчаныя таргі. На аўкцыён па продажы матацыкла заявіліся 24 удзельнікі, за дзень стаўка падымалася 481 раз. У выніку траціна «Явы» была прададзеная за 4000 рублёў».
Паспяхова прайшоў і аўкцыён па продажы «Запарожца». Тут аўкцыённы кошт падымаўся 64 разы. Цяпер на чарзе — гараж.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары
Нарадзіўся байк ў Чэхіі яшчэ да 2 Сусветнай.
І рабіўся ў Чэхіі, нават калі Чэхію са Славакіяй называлі ў Расіі дзіўным словам "чехословакия".
Завод jawa створаны ў Чэхіі на пачатку 20 стагоддзя, перажыў і вайну, і Гітлера, і Сталіна, і ЧССР, і сёння, як і 95 год таму, жыве і робіць матацыклы.