Рэдкі амерыканскі аўтамабіль спрабуюць прадаць з аўкцыёну ў Гомелі. Ім валодае дзяржаўная арганізацыя
З чацвёртай спробы гомельскі «Дарожна-будаўнічы трэст № 2» не змог прадаць з аўкцыёну рэдкі амерыканскі аўтамабіль Cadillac Seville 1995 года выпуску. Такіх мадэляў, выстаўленых на продаж на папулярных сайтах, у Беларусі ўсяго чатыры. І ўсе яны каштуюць танней за гомельскі «Кадылак», піша «Флагшток».
Аўтамабіль прадаюць яшчэ з сакавіка праз пляцоўку «БелЮрЗабеспячэнне», але не за даўгі.
Першапачаткова за аўто прасілі 33 480 рублёў (11,5 тысяч даляраў). Пасля цану паступова зніжалі — яна апусцілася да 23 436 рублёў, але ахвотных купіць рарытэт ўсё адно не знайшлося — апошні аўкцыён зноў не адбыўся.
У апісанні гаворыцца пра тое, што 30‑гадовы аўтамабіль на хаду, маюцца нязначныя пашкоджанні лакафарбавага пакрыцця ў выглядзе сколаў, адсутнічае АКБ (аўтамабільны акумулятар).
Рэдкі седан не эксплуатаваўся апошнія 10 гадоў. Аб'ём яго бензінавага рухавіка як у невялікага грузавіка — 4,6 літра.
Адкуль у дзяржаўнай арганізацыі такі рэдкі аўтамабіль — пра гэта інфармацыі няма.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары