Vajskova-marskija siły Ukrainy paviedamili pra ŭdar pa Arłoŭskaj CEC u Rasii, jaki byŭ naniesieny kryłatymi rakietami «Nieptun». Akramia taho, paviedamlajecca pra ataku na padstancyju Navabranskuju ŭ Branskaj vobłaści. Abodva abjekty zabiaśpiečvali elektraenierhijaj vajskovyja pradpryjemstvy rehijonu, tamu ich paškodžańnie — surjozny ŭdar pa łahistycy rasijskaj armii.
U noč na 31 kastryčnika žychary Arła paviedamlali pra vybuchi. Hubiernatar Arłoŭskaj vobłaści paćvierdziŭ fakt ataki: u vyniku źbićcia BPŁA abłomki, maŭlaŭ, upali na terytoryju CEC, paškodziŭšy abstalavańnie, jakoje zabiaśpiečvaje elektrasiłkavańnie.
Paciarpiełych asobaŭ, jak śćviardžajecca, niama, pažaru taksama nibyta nie było. Elektraenierhija ŭ horadzie časova źnikła, ale jaje pastaŭki ŭžo amal adnavili.
Videa z kamier nazirańnia śviedčać pra dva ŭdary pa CEC: pieršy — pa adkrytym raźmierkavalnym prystasavańni, što vyklikała adklučeńnie elektryčnaści ŭ horadzie.
Arłoŭskaja CEC — najbujniejšaja krynica hienieravańnia elektryčnaści i ciepłazabieśpiačeńnia ŭ Arłoŭskaj vobłaści.
Kamientary