«U Dubaj za hetyja hrošy nie chočacie?» Ceny na navahodni adpačynak u zaharadnym kompleksie ździvili biełarusaŭ
Ceny na navahodni adpačynak u adnym z zaharadnych kompleksaŭ Biełarusi ździvili karystalnikaŭ Threads. Adna žančyna raźmiaściła tam skrynšot pierapiski z pradstaŭnikami turystyčnaha kompleksu ŭ Miadzielskim rajonie, dzie jany nazvali prajs na adpačynak u kancy śniežnia — pačatku studzienia, piša «Smartpres».
Miaščanski dom za 16 tys. rubloŭ
Na apublikavanym biełaruskaj skrynšocie bačna, što kompleks prapanavaŭ adpačyć u dvuchpaviarchovym miaščanskim domie, u jakim mohuć raźmiaścicca da 6 čałaviek, z 4 spalniami i suchoj finskaj saunaj za 16 tysiač rubloŭ (u pieryjad z 31 śniežnia 2025‑ha pa 4 studzienia 2026-ha).
Jość jašče «abščynny dom», raźličany na pražyvańnie 4 čałaviek, z 2 pakojami i suchoj finskaj saunaj. Tut užo ceńnik mienšy — 10 tysiač rubloŭ.
Kompleks taksama praduhledzieŭ funkcyju arhanizavać dadatkovaje miesca i dadatkovaje charčavańnie (625 rubloŭ u sutki ŭ abščynnym domie i 670 — u miaščanskim).
«Jak vy ličycie, adpačynak na Novy hod na Naračy ad 10 tysiač na siamju — heta narmalna??? Ci 0 ŭsio ž lišni?» — spytałasia aŭtar pasta ŭ Threads.
Daražej, čym adpačynak u Italii?
Adna z karystalnic sacsietki adkazała tak: «Kašmar, za 4 dni 4500 jeŭra — heta zusim nieadekvat». I padzialiłasia svaim raźlikami:
«Cikava atrymlivajecca. Kali braniravać na čaćviarych, cana za noč — 625 rubloŭ, a kali na šaściarych — 666 rubloŭ na adnaho. Adnaznačna adpačynak u RB z kožnym hodam usio daražejšy».
Hetaja karystalnica taksama padzialiłasia, što ŭ krasaviku jana jeździła z kampanijaj na dva tydni ŭ Italiju.
«Prajechali ŭsiu paŭnočnuju častku i spynialisia ŭ vielmi dobrych apartamientach. Jeli tolki ŭ kaviarniach (śniadanak, abied, viačera), i ŭ nas na traich «pad kluč» vyjšła 3700 jeŭra», — raskazała jana.
Ci źlotać u Dubaj?
Jašče adna kamientatarka pasta zajaviła, što za hrošy, jakija chočuć za navahodni adpačynak, možna kupić dom u vioscy.
«Kali dalej ad Mienska, to narmalny, z rabočaj piečkaj i, moža, navat z samavaram. Susiedzi pakažuć pobyt, koniej i cyrk. Pryčym nie razava, a choć kožnyja vychadnyja», — śćviardžała jana.
Chtości ž kazaŭ, što za takija sumy možna nie ŭ vioscy, a ŭ Dubai adpačyć:
«Vy ŭ Dubaj na Novy hod za hetyja hrošy nie chočacie?»
Alternatyŭnyja dumki i adpačynak u Łapłandyi
Zrešty, inšaja karystalnica Threads paspračałasia, skazaŭšy, što ŭ aŭtara pasta prosta niama hrošaj.
«Znojducca tyja, chto zmoža dazvolić sabie adpačyć 5 dzion u raskošnym domie na Novy hod», — napisała jana.
«$2500/800 za noč. Kali jakaść adpaviadaje, čamu nie, asabliva kali heta navahodniaja noč», — padzialiŭsia alternatyŭnym mierkavańniem juzer.
Niekatoryja kamientatary prapanoŭvali adpačynak na hetaje śviata ŭ inšych łakacyjach Biełarusi z bolš nizkimi cenami.
«Kudy zaŭhodna možna za hetyja hrošy źjeździć. Nie baču nivodnaj pryčyny jechać na Narač», — skazała karystalnica Threads.
A chtości navat paraiŭ adpačyć u Łapłandyi.
«1000 jeŭra źjeździć u Łapłandyju ŭ viosku Santy na Kalady siamji z 4 čałaviek», — raskazała kamientatarka, udakładniŭšy, što heta pajezdka z Ryhi, u košt uvachodzić parom da Chielsinki, prajezd u aŭtobusie, 4 nočy ŭ hateli i nazad (pa 249 jeŭra na čałavieka).
«Popyt naradžaje prapanovu»
U inšaj halincy abmierkavańnia adzin z kamientataraŭ nazvaŭ mahčymuju pryčynu takich koštaŭ na navahodni adpačynak u Biełarusi.
«Tamu što pryjazdžajuć turysty, i jany hatovyja płacić. Raniej, kali asabliva nichto nie jeździŭ, takoha nachabstva nie nazirałasia. Časta ŭ hetych damach rabić niama čaho, nijakich zabaŭ nakštalt biljarda i h.d.», — ličyć jon.
Aŭtarka pasta pahadziłasia:
«Adnaznačna popyt naradžaje prapanovu. Ale jość niejkija adekvatnyja paniaćci koštu za što-niebudź. U hetym vypadku cana zavyšanaja».
«Adkryju vam tajamnicu: pa ŭsim śviecie jość patok turystaŭ, i jon našmat vyšejšy, čym u nas, ale ceny ŭ bolšaści vypadkaŭ tam adekvatnyja», — padzialiŭsia svaim nazirańniem jašče adzin juzer Threads.
Niechta ž pastaviŭsia da cenaŭ z humaram:
«Siaredni kłas u Biełarusi — heta kali možaš dazvolić sabie adpačynak u Turcyi ci Jehipcie, a na sanatoryj u Biełarusi pakul nie chapaje».
«Biełaruskija Maldyvy» stanuć pomnikam pryrody. Čym unikalnyja zatoplenyja Vaŭkavyskija karjery
Aksamitny siezon: dzie možna adpačyć i kolki daviadziecca patracić
Čynoŭnik ad turyzmu narakaje, što ŭ Biełarusi vielmi kiepskija hateli
Źmianili paradak dziaržaŭnaha rehulavańnia turystyčnaj śfiery
Novyja ścieny i stračanyja malaŭničyja dalahlady. Jak vyhladaje Navahrudski zamak paśla rekanstrukcyi
Ciapier čytajuć
Cichanoŭskaja pra muža: Uvieś jahony śviet pierakuleny1
Kamientary