Vyjšła The Belarusian Cookbook — najbolš poŭnaje vydańnie pra biełaruskuju kuchniu pa-anhlijsku
Kanadskaje vydaviectva Grunwald prezientavała druhoje vydańnie knihi The Belarusian Cookbook viadomaha znaŭca histaryčnaj kuchni Alesia Biełaha. Heta ŭnikalnaja praca, jakaja raspaviadaje pra kulinarnuju historyju Biełarusi praz bolš čym 200 receptaŭ i dziasiatki archiŭnych i sučasnych fotazdymkaŭ.
Pieršaje vydańnie The Belarusian Cookbook (Biełaruskaj kulinarnaj knihi) vyjšła ŭ Ńju-Jorku ŭ 2008 hodzie. Novaja ž kniha značna pašyranaja i dapracavanaja: kali pieršaje vydańnie naličvała 247 staronak, to druhoje — užo 408. Na ich, akramia bolš jak dvuch socień receptaŭ, źmieščana zvyš 50 fotazdymkaŭ i admysłovyja kamientary, što dapamahajuć adaptavać tradycyjnyja stravy da sučasnaj kuchni.
Kulinarnaja historyja Biełarusi ŭ adnym tomie
Kniha prapanuje kulturnaje i histaryčnaje padarožža praz kuchniu Biełarusi. Tut možna znajści jak prostyja stravy sialan, tak i vytančanyja stravy sa šlachieckaha stała. Pobač iduć recepty, pieradadzienyja ŭ vusnaj tradycyi, i tyja, što ŭziatyja z redkich kulinarnych vydańniaŭ, u tym liku ź viadomaj «Litoŭskaj kucharki» XIX stahodździa.
Čytač ubačyć, jak na biełaruskuju kuchniu ŭpłyvali jaŭrejskija, tatarskija, litoŭskija, polskija i rasijskija tradycyi, jakija razam sfarmavali miascovyja kulinarnyja zvyčai. Mnohija recepty ŭpieršyniu padajucca pa-anhlijsku i adaptavanyja dla sučasnaha čytača.
Novaje vydańnie ŭžo možna zamović niepasredna na sajcie Grunwald. U chutkim časie kniha źjavicca i na Amazon — u Kanadzie, ZŠA, a taksama ŭ Jeŭropie.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary