Ukraina rakietnym udaram pakinuła rasijskuju elitnuju bryhadu marpiechaŭ biez kamandavańnia
2 lipienia ŭ vyniku rakietnaha ŭdaru, jaki Uzbrojenyja siły Ukrainy nanieśli z HIMARS pa pasiołku Koranieva ŭ Kurskaj vobłaści, byŭ źniščany časovy štab rasijskich vajskoŭcaŭ. Pavodle infarmacyi z adkrytych krynic, u vyniku zahinuli jak minimum šeść vysokapastaŭlenych aficeraŭ 155-j bryhady marskoj piachoty Cichaakijanskaha fłotu, piša vydańnie «Novaja hazieta — Jevropa».
Siarod zahinułych byŭ hienierał-major Michaił Hudkoŭ, pra hibiel jakoha paviedamlałasia raniej. Niadaŭna jon byŭ pryznačany namieśnikam hałoŭnakamandujučaha VMF Rasii pa bierahavych vojskach i artyleryi. Prezident Rasii Uładzimir Pucin paśmiarotna ŭznaharodziŭ jaho druhoj «Załatoj zorkaj», zrabiŭšy Hudkova pieršym dvojčy hierojem Rasii.
Ciapier ža stała viadoma, što razam ź im zahinuli padpałkoŭnik Naryman Šychalijeŭ, pałkoŭnik Siarhiej Iljin, kapitan druhoha ranhu Alaksandr Šypunoŭ, načalnik štaba pałkoŭnik Leanid Baškardzin i jahony pamočnik major Šamil Murtazalijeŭ.
Ahulnaja kolkaść zahinułych mahła dasiahnuć 12 čałaviek — u asnoŭnym heta byli kamandziry padraździaleńniaŭ i klučavyja słužbovyja asoby bryhady. Udar pryjšoŭsia na momant, kali asabovy skład znachodziŭsia na pastrajeńni.
155-ja bryhada z pačatku poŭnamaštabnaha ŭvarvańnia ŭdzielničała ŭ bajavych dziejańniach va Ukrainie i, pavodle źviestak ukrainskaj raźviedki, datyčnaja da vajennych złačynstvaŭ u Bučy, Irpieni i Hastomieli, uklučajučy zabojstvy mirnych žycharoŭ i pałonnych. U žniŭni 2024 hoda bajcy hetaj bryhady apublikavali žorstkaje videa z hałavoj ukrainskaha sałdata, nasadžanaj na koł.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień5
Kamientary
Skazał kočiehar kočieharu,
Ohni v moich topkach sovsiem nie horiat,
V kotłach nie sdieržať mnie už paru.