Śviet22

Premjer Danii: ES treba pieraŭzbroicca za hetyja piać hadoŭ

Da kanca hetaha dziesiacihodździa RF moža pradstaŭlać saboj «sapraŭdnuju niebiaśpieku» dla Jeŭrasajuza, tamu ŭ Jeŭropie i va Ukrainie nieabchodna naraścić abaronnuju pramysłovaść ciaham piaci hadoŭ, zajaviła premjer-ministr Danii Miete Frederyksien.

Fota: Pascal Bastien / AP

U aŭtorak, 8 lipienia, jana vystupiła ŭ Jeŭraparłamiencie z nahody pačatku šaścimiesiačnaha staršynstva Danii ŭ Radzie ES, piša Deutsche Welle. 

Frederyksien vykazała škadavańnie z nahody taho, što ES za apošnija 30 hadoŭ skaračaŭ abaronnyja vydatki. Pavodle słoŭ palityka, heta było «vializnaj pamyłkaj». U ES bajacca, što Uładzimir Pucin nieŭzabavie moža pasprabavać «pravieryć» dziejańnie Artykuła 5 Paŭnočnaatłantyčnaj damovy — ab tym, što napad na adnaho čalca NATA budzie ličycca napadam na ŭsich čalcoŭ aljansu.

«Umacavańnie abaronnaj pramysłovaści Jeŭropy — heta absalutny pryjarytet, i my pavinny być zdolnyja abaranić siabie nie paźniej za 2030 hod, — padkreśliła Miete Frederyksien u svajoj pramovie.

— Nikoli znoŭ Jeŭropa nie pavinna akazacca ŭ stanoviščy, kali my nie možam abaranić siabie».

«Hatoŭnaść-2030» — płan pieraŭzbrajeńnia Jeŭropy

U «Biełaj knizie» pa apieratyŭnaj hatoŭnaści jeŭrapiejskaj abarony na pieryjad da 2030 hoda adznačajecca, što RF u bližejšaj budučyni zastaniecca «fundamientalnaj pahrozaj» dla biaśpieki Jeŭropy. Va ŭmovach pahrozy rasijskaj ahresii Jeŭrakamisija padrychtavała novy płan biaśpieki pad nazvaj «Hatoŭnaść-2030». Jon praduhledžvaje, što dziaržavy Jeŭrasajuza ciaham nastupnych piaci hadoŭ vydatkujuć na abaronu 1,25 tryljona dalaraŭ.

Pryjarytety ŭ vydatkach uklučajuć zakupku sistem PPA i SPA, artyleryi, bojeprypasaŭ, dronaŭ, abstalavańnia dla kibier– i radyjoelektronnaj vajny. Akramia taho, płan praduhledžvaje raźvićcio abaronnaj pramysłovaści Ukrainy.

Na siońniašni dzień kraina vyrablaje ŭzbrajeńni chutčej i tańniej, čym heta robiać u ES, akramia taho, u Kijevie abiacajuć pavialičyć vytvorčyja mahutnaści na 40 pracentaŭ pry ŭmovie jeŭrapiejskich inviestycyj.

Kamientary2

  • Skieptyk
    09.07.2025
    Pakul adnyja razmovy, a treba było pačynać u 2014.
    "Pryjarytety ŭ vydatkach uklučajuć zakupku"
    Abarona suvierennaści - heta mieć ułasnyja zavody zbroi niahledziačy na košty. A nie zakupka na bazary.
    "Na siońniašni dzień kraina vyrablaje ŭzbrajeńni chutčej i tańniej, čym heta robiać u ES"
    Aha, a za 2024 hod ukrainski VPK vykanaŭ ułasnuju ŭnutranuju zamovu na 55%. Pry hetym, što byli hrošy. Kali jany sabie na spravu vyžyvańnia nie mohuć zbroi vypuścić, to što tam choča Jeŭropa kuplać va Ŭkrainy?
    Karaciej, łuchta poŭnaja, nijakich realistyčnych płanaŭ
  • Echma
    09.07.2025
    Jeśli bojevyje diejstvija na Ukrainie błahodaria poddieržkie Zapada prodlatsia jeŝio 5 let, jejo mužskoje nasielenije budiet počti uničtožieno. I vot komu eto nado?

Ciapier čytajuć

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Usie naviny →
Usie naviny

U Minsku i vakolicach hrad z paŭjajka i vialiki patop VIDEA2

Ksienija Łuckina: «Usio my rabili pravilna, kali dahetul Łukašenka i prapahandysty biaskonca ŭspaminajuć»5

Niezvyčajnaja kašula Łukašenki — vyrab biełaruskaha lehprama FOTA24

Cichanoŭski raskazaŭ, što treba było rabić u žniŭni 2020-ha80

Bieraściejec za dzieviać hadoŭ pryvodziŭ na hienietyčnuju ekśpiertyzu šaściarych dziaciej

«Majem adnu važnuju začepku». Rasśledavalniki praciahvajuć pošuk Mielnikavaj6

Biełaruski viertalot namahaŭsia źbić dron, što zalacieŭ u Litvu11

Alaksandr Hleb nie vykazvaje publičnaj niazhody z Łukašenkam, bo heta moža paciahnuć nastupstvy dla jaho siamji11

«Sprabavaŭ vyłavić kiepku». Na Minskim mory amal sutki šukajuć mužčynu, jaki vypaŭ za bort jachty

bolš čytanych navin
bolš łajkanych navin

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Hałoŭnaje
Usie naviny →

Zaŭvaha:

 

 

 

 

Zakryć Paviedamić