MZS pahražaje «mierami, praduhledžanymi zakonam» polskim furam, jakija zaviśli ŭ Biełarusi
Ministerstva zamiežnych spraŭ Biełarusi nazvała žestam dobraj voli rašeńnie dać polskim furam 10‑dzionnuju adterminoŭku dla bieśpieraškodnaha vyjezdu ź Biełarusi i vykazała nadzieju, što Polšča adnović prymiežnaje ŭzajemadziejańnie.
Ministr zamiežnych spraŭ Biełarusi Maksim Ryžankoŭ zajaviŭ, što Polšča «kinuła svaich pradprymalnikaŭ na volu losu», ale Biełaruś, u svaju čarhu, pajšła na «ekstraardynarnyja miery» i prapanuje dyjałoh zamiest kanfliktu.
Ryžankoŭ padkreśliŭ, što Biełaruś nibyta dziejničaje vyklučna pa humanitarnych mierkavańniach i daje 1453 polskim hruzavikam 10 dzion, kab pakinuć terytoryju krainy. Pieravažnaja častka hetych aŭtamabilaŭ apynułasia ŭ składanaj situacyi z-za taho, što Polšča raptoŭna zakryła miažu.
Ryžankoŭ taksama adznačyŭ, što Biełaruś admoviłasia ad žorstkaha prymianieńnia mytnaha zakanadaŭstva, što mahło b prynieści finansavuju karyść i ŭ toj ža čas nanieści straty polskim pieravozčykam. Zamiest sankcyj, maŭlaŭ, u Biełarusi prapanujuć «šaniec» i dyjałoh, zamiest cisku — supracoŭnictva.
U zajavie MZS padkreślivajecca, što Biełaruś čakaje ad polskaj ułady «razumnych i ŭzvažanych rašeńniaŭ», jakija dapamohuć adnavić narmalnuju pracu na miažy. Adnačasova Biełaruś pakidaje za saboj prava ŭ poŭnym abjomie prymianić usie miery, praduhledžanyja zakonami, kali heta budzie nieabchodna.
Paśla zakryćcia Polščaj miažy ŭ Biełarusi zastalisia amal paŭtary tysiačy polskich furaŭ
Łahistyčnyja kampanii znajšli alternatyvu zakrytaj miažy pamiž Polščaj i Biełaruśsiu
«Dumaŭ, miažu zakryjuć tolki na ŭjezd». Biełarus raskazaŭ, jak viartaŭsia na aŭtamabili ź Jeŭrasajuza
Rasijski pasoł: Polšča jašče budzie apraŭdvacca za zakryćcio miažy
Polšča nie adkryje miažu i paśla skančeńnia vučeńniaŭ «Zachad»
Ciapier čytajuć
«Čakajem u Minsku +1 słavutaść!» Błohieraŭ pryvieźli ŭ byłuju turmu na Vaładarskaha19
Kamientary