Polšča nie adkryje miažu i paśla skančeńnia vučeńniaŭ «Zachad»
Zajava ministerstva ŭnutranych spraŭ i administracyi Polščy nie ŭtrymlivaje nijakich kankretnych terminaŭ adkryćcia pamiežnych punktaŭ.
Punkty propusku na miažy Polščy i Biełarusi zastajucca zakrytymi da dalejšaha paviedamleńnia ŭ metach biaśpieki palakaŭ, havorycca ŭ zajavie ministerstva.
«Zabieśpiačeńnie biaśpieki hramadzian — naš pryjarytet. My padkreślivajem, što pryniataje rašeńnie źviazanaje z rasijska-biełaruskimi manieŭrami «Zachad-2025», ale heta nie aznačaje, što miaža zakryta vyklučna na pieryjad hetych vučeńniaŭ. My adnovim ruch tady, kali miaža budzie całkam biaśpiečnaj i heta paćvierdzić infarmacyja, pieradadzienaja słužbami», — paviedamlaje ministerstva.
U zajavie havorycca, što polskija ŭłady ŭśviedamlajuć, što prypynieńnie pamiežnaha ruchu źjaŭlajecca prablemaj dla pieravozčykaŭ, jakija pavinny karystacca, naprykład, pamiežnymi pierachodami ŭ Litvie dla ažyćciaŭleńnia pieravozak.
«My padkreślivajem, što z-za ekanamičnych pytańniaŭ i dziela polskich pradprymalnikaŭ zrobim usio mahčymaje, kab pieryjad adklučeńnia pamiežnaha ruchu byŭ jak maha mienš adčuvalnym.
Straty buduć acenienyja ŭ momant, kali my budziem viedać, jak doŭha miaža budzie zakryta», — paviedamlaje ministerstva.
Raniej ministr unutranych spraŭ i administracyi Polščy Marcin Kiarvinski papiaredžvaŭ, što rašeńnie ab zakryćci miažy ź Biełaruśsiu pryniata nie tolki na čas vučeńniaŭ «Zachad-2025». Jon zajaviŭ, što hetaje rašeńnie apraŭdanaje z punktu hledžańnia biaśpieki Polščy.
Siońnia, 16 vieraśnia, na terytoryi Biełarusi zakančvajucca biełaruska-rasijskija vučeńni «Zachad-2025», jakija prachodzili z 12 vieraśnia.
Nočču 10 vieraśnia kala 20 rasijskich dronaŭ parušyli miažu Polščy padčas masiravanaha abstrełu Ukrainy. Dla ich pierachopu ŭpieršyniu z pačatku vajny byli padniatyja samaloty NATA.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary