Pa stanie na 15 vieraśnia ŭ elektronnaj čarzie na vyjezd u Polšču praz punkt propusku «Kazłovičy» zarehistravana kala 1,7 tysiačy hruzavych aŭtamabilaŭ. Pry hetym bolš za tysiaču ź ich majuć polskija numary. Pra heta paviedamiŭ staršynia Dziaržaŭnaha mytnaha kamiteta Biełarusi Uładzimir Arłoŭski ŭ intervju telekanału «Pieršy infarmacyjny».
Uładzimir Arłoŭski adznačyŭ, što zakryćcio Polščaj usich pamiežnych pierachodaŭ, jak pasažyrskich, tak i hruzavych, stała niečakanym jak dla pieravozčykaŭ, tak i dla zvyčajnych ludziej, jakija płanavali svaje pajezdki.
Fizičnyja asoby pačali šukać alternatyvy — jechać praź Litvu ci karystacca avijapieralotami. Ale z hruzami situacyja składaniejšaja: łahistyku nielha pierabudavać za dva-try dni. U vyniku častka hruzaŭ, jakija išli pa čyhuncy, «zachrasła» ŭ darozie, a aŭtatranspart taksama zastyŭ u čakańni.
Ciapier tavarapatok faktyčna prypyniŭsia i niezrazumieła, budzie zakryćcio časovym ci praciahniecca nadoŭha.
Pa słovach Uładzimira Arłoŭskaha, biełaruskija mytnyja i pamiežnyja słužby hatovyja za ličanyja hadziny adnavić pracu ŭ lubym punkcie propusku na miažy ź Jeŭrasajuzam — jak na polskim, tak i na litoŭskim ci łatvijskim kirunkach.
MZS Polščy pra zakryćcio miažy: Dumajem pierš za ŭsio pra dziaržaŭnuju biaśpieku, a nie pra ekanamičnuju vyhadu abo vydatki
Łatvija pakul nie źbirajecca zakryvać miažu ź Biełaruśsiu
«Z ranicy naš aŭtobus byŭ dziasiatym u čarzie». Što adbyvacca na biełaruska-łatvijskaj miažy
«Žyviom tut jak u tanku». Biełarusy z pamiežža raskazali, jak pieražyvajuć zakrytuju miažu i vučeńni
Pieranakiravać patok hruzavikoŭ z zakrytaj polskaj miažy budzie składana. Voś u čym prablema
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary