Pieranakiravać patok hruzavikoŭ z zakrytaj polskaj miažy budzie składana. Voś u čym prablema
Patok hruzavikoŭ z Kazłovičaŭ pieranakiravać na Litvu i Łatviju składana nie tolki tamu, što tam prajazdžała bolš fur, čym praz try astatnija punkty propusku razam uziatyja. Jość i jurydyčnyja barjery.
Jašče z 18 lutaha 2023 hoda isnujuć abmiežavańni na zajezd polskich hruzavikoŭ u Biełaruś. Za vyklučeńniem aŭtavozaŭ i niehabarytnych hruzavikoŭ, astatnija majuć prava zajazdžać na terytoryju Biełarusi tolki praź biełaruska-polski ŭčastak miažy.
Ad 3 lipienia 2023 hoda dadalisia jašče i abmiežavańni dla pryčepaŭ i paŭpryčepaŭ z polskaj rehistracyjaj.
Praz hetuju akaličnaść biznes, jaki byŭ vymušany pieranakiravać hruzy na inšyja miežy, sutyknuŭsia z prablemami.
«Polskija pieravozčyki, ź jakimi pracavali raniej, skazali, što nie mohuć vieźci hruz praź Litvu abo Łatviju, bo heta zabaroniena», — raskazaŭ «Našaj Nivie» imparcior, jaki raniej dastaŭlaŭ tavar praz «Kazłovičy».
Ź jaho słoŭ, ciapier znajści zamienu davoli składana, bo ŭvieś puł pieravozčykaŭ, ź jakimi jon pracavaŭ, byŭ polskim.
«Ciapier nieviadoma, što rabić. Sprabavać šukać niejkich pieravozčykaŭ ź Litvy abo pačakać, kali stanie jasna, jak nadoŭha miaža moža zastavacca zakrytaj», — kaža biznesmien.
Taksama surazmoŭca kaža, što spadziajecca na toje, što biełaruski bok u suviazi ź situacyjaj, jakaja skłałasia, skasuje hetyja abmiežavańni dla polskich pieravozčykaŭ.
Nahadajem, što kali praz «Kazłovičy» za apošnija sutki pierad zakryćciom prajazdžała pa 600—800 hruzavikoŭ, to praz dva punkty propusku na miažy ź Litvoj i adzin z Łatvijaj — usiaho 200—250 hruzavikoŭ.
Litva dazvoliła mašynam ź biełaruskimi numarami, jakija viartajucca ŭ Biełaruś, pierasiakać svaju miažu
Kiraŭnik MUS Litvy raskazaŭ, u jakim vypadku zakryjuć miažu ź Biełaruśsiu
Da zakryćcia polskaj miažy tudy nie paśpieli zajechać niekalki transpartnych srodkaŭ
Polšča zakryła miažu ź Biełaruśsiu
Što budzie ź biełarusami, jakija paśpiejuć da zakryćcia miažy z Polščaj prajści kantrol tolki ŭ adzin bok?
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary