Kiraŭnik MUS Litvy raskazaŭ, u jakim vypadku zakryjuć miažu ź Biełaruśsiu
MUS krainy moža zakryć miažu.
Polšča z-za vučeńniaŭ «Zachad 2025» z 12 vieraśnia zakryła miažu ź Biełaruśsiu. Ministr unutranych spraŭ Litvy Uładzisłaŭ Kandratovič skazaŭ, što kali buduć pravakacyi, Litva pastupić hetak ža, piša Delfi.lt.
«Kali zdarycca (pravakacyja), kiraŭnik pamiežnaj achovy hatovy ŭ tuju ž chvilinu dać dazvoł na zakryćcio miažy. (…) Kali niešta adbyvajecca, dron abo pravakacyja, ci niejki nievyrazny pavyšany ruch sił la miažy, my možam heta zrabić», — skazaŭ u intervju na radyjo LRT Kandratovič.
Ź jahonych słoŭ, paźniej pastanovu na bolš praciahły termin zakryć miažu pavinien pryniać urad Litvy. Ministr akcentavaŭ, što miaža ź Biełaruśsiu znachodzicca pad pilnym nahladam, a asobnyja ŭčastki ŭmacavanyja. «U takich miescach pavyšany kantrol. My robim heta i aceńvajem usie ryzyki, jakija mohuć być. Ja ŭčora havaryŭ z kiraŭnikom MUS Łatvii, ich pazicyja i naša pazicyja ciapier — kantrol i pryniaćcie adekvatnych situacyi mier», — skazaŭ Kandratovič.
Jon dadaŭ, što rašeńnie Polščy ab zakryćci miažy vyklikała niamała turboty ŭ hramadzian ES, jakija nie paśpieli pakinuć Biełaruś. «Kali my zakryjem miažu siońnia, usio, jany apynucca ŭ bieznadziejnym stanie, kinutyja», — padkreśliŭ jon.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary