Litoŭskaja armija: Ryzyka napadu padčas vučeńniaŭ «Zachad» nizkaja, ale vierahodnaść pravakacyj uzrasła
«My nie fiksujem kancentracyi rasijskich suchaputnych vojskaŭ pablizu miež našaj krainy, što było b surjoznym tryvožnym sihnałam».
Z pačatkam vučeńniaŭ «Zachad» u piatnicu vierahodnaść parušeńniaŭ miažy i inšych pravakacyj uzrasła, adnak ryzyka napadu — nizkaja, zajaŭlaje Litoŭskaja armija.
«My nie fiksujem kancentracyi rasijskich suchaputnych vojskaŭ pablizu miež našaj krainy, što było b surjoznym tryvožnym sihnałam, bačym, što rasijskija vojski prykavany da Ukrainy, a heta aznačaje, što vierahodnaść pramoha napadu na NATO praź Litvu ci inšyja krainy Bałtyi zastajecca nizkaj», — paviedamiła armija ŭ Facebook.
Adnak, pa jaje słovach, uzrasła vierahodnaść parušeńniaŭ miažy, zalotaŭ bieśpiłotnikaŭ, pieraškod sihnału i inšych pravakacyj.
«My ŭsio heta ŭbačyli bolš vidavočna, heta źviazana jak z vučeńniami, tak i z praciahvajučajsia rasijskaj ahresijaj suprać Ukrainy. Heta novaja realnaść, na jakuju my reahujem pavyšanaj pilnaściu, bajevaj hatoŭnaściu i pastajannymi vučeńniami», — padkreślivajuć Uzbrojenyja siły Litvy.
Sumiesnyja rasijska-biełaruskija vučeńni «Zachad-2025» pačalisia siońnia i praciahnucca da 16 vieraśnia.
Načalnik Hienštaba, pieršy namieśnik ministra abarony Pavieł Muraviejka prakamientavaŭ pres-słužbie Minabarony pačatak vučeńniaŭ: «Heta płanavanaje mierapryjemstva, jakoje my pravodzim u metach udaskanaleńnia navykaŭ kamandziraŭ i kamandziraŭ pa kiravańniu hrupoŭkami vojskaŭ pry vykanańni zadač pa abaronie suvierenitetu i terytaryjalnaj cełasnaści krainy».
Vučeńni spłanavana pravieści ŭ dva etapy. Pieršy etap praduhledžvaje adbićcio ŭdaraŭ srodkaŭ pavietranaha napadu praciŭnika, viadzieńnie i padrychtoŭku abaronnych bajavych dziejańniaŭ, a taksama stvareńnie ŭmoŭ dla abarony suvierenitetu i terytaryjalnaj cełasnaści.
Źmiest druhoha etapu budzie ŭklučać u siabie kompleks mierapryjemstvaŭ pa razhromie hrupovak praciŭnika i ačyščeńni ad jaho svajoj terytoryi.
«Heta važny aśpiekt zabieśpiačeńnia biaśpieki i abarony krainy. Vučeńni płanujecca pravieści na troch palihonach i ŭčastkach miascovaści ŭ Viciebskaj, Minskaj i Hrodzienskaj abłaściach», — dadaŭ Pavieł Muraviejka.
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary