Litva dazvoliła mašynam ź biełaruskimi numarami, jakija viartajucca ŭ Biełaruś, pierasiakać svaju miažu
Hetaje praviła budzie dziejničać časova, na pieryjad zakryćcia miažy Polščaj.
Litva dazvoliła viartacca ŭ Biełaruś na aŭtamabilach ź biełaruskimi numarami, piša telehram‑kanał Infotrans Media Belarus.
«Dazvolena tolki viartacca na aŭtamabili na bieł numarach u Biełaruś praz terytoryju Litvy (pakul začynieny polskija KPP ź Biełaruśsiu)», — havorycca ŭ paviedamleńni.
Polšča zakryła miažu ź Biełaruśsiu ŭ noč na siońnia z pačatkam biełaruska-rasijskich vučeńniaŭ «Zachad-2025», što pačalisia siońnia.
Ministr unutranych spraŭ Litvy Uładzisłaŭ Kandratovič zajaviŭ, što Litva zakryje miažu ź Biełaruśsiu, kali buduć pravakacyi.
«Kali zdarycca (pravakacyja), kiraŭnik pamiežnaj achovy hatovy ŭ tuju ž chvilinu dać dazvoł na zakryćcio miažy. (…) Kali niešta adbyvajecca, dron abo pravakacyja, ci niejki nievyrazny pavyšany ruch sił la miažy, my možam heta zrabić», — skazaŭ u intervju na radyjo LRT Kandratovič.
Ź jahonych słoŭ, paźniej pastanovu na bolš praciahły termin zakryć miažu pavinien pryniać urad Litvy. Ministr akcentavaŭ, što miaža ź Biełaruśsiu znachodzicca pad pilnym nahladam, a asobnyja ŭčastki ŭmacavanyja. «U takich miescach pavyšany kantrol. My robim heta i aceńvajem usie ryzyki, jakija mohuć być. Ja ŭčora havaryŭ z kiraŭnikom MUS Łatvii, ich pazicyja i naša pazicyja ciapier — kantrol i pryniaćcie adekvatnych situacyi mier», — skazaŭ Kandratovič.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary