Polšča zakryvaje miažu ź Biełaruśsiu na niavyznačany termin i čakaje pravakacyj
Rašeńnie ab zakryćci miažy ź Biełaruśsiu pryniata nie tolki na čas vučeńniaŭ «Zachad-2025», paviedamiŭ ministr unutranych spraŭ i administracyi Polščy Marcin Kiarvinski ŭ intervju radyjostancyi TOK FM.
Pavodle jaho słoŭ, rašeńnie ab zakryćci miažy pryniata nie tolki na čas vučeńniaŭ, ale ŭ bolš šyrokim kantekście: «My baimsia pravakacyj u šyrokim sensie: uzmacnieńnia mihracyjnaha nacisku, sprob nielehalnaha pierachodu na polskuju terytoryju, prajezdu asob, niebiaśpiečnych dla biaśpieki krainy. Adsiul takoje žorstkaje rašeńnie», — skazaŭ jon.
Kiarvinski padkreśliŭ, što «začynieńnie miažy — nie na čas vučeńniaŭ, a ŭ suviazi ź imi». «Termin zakryćcia miažy nie vyznačany», — dadaŭ jon. Pry hetym jon zaŭvažyŭ, što «miaža nie budzie zastavacca začynienaj ni na adzin lišni dzień».
Ministr ličyć, što hetaje rašeńnie apraŭdanaje z punktu hledžańnia biaśpieki Polščy. «Ź piatnicy da aŭtorka adbudziecca najbolš ahresiŭnaja častka vučeńniaŭ — manieŭry, jakija faktyčna imitujuć poŭnamaštabny kanflikt ź siłami NATA, uklučajučy terytoryju Polščy», — adznačyŭ jon.
Ciapier čytajuć
Rabotnicy «Minsk-Areny» dali kałoniju za «sadziejničańnie ekstremizmu»1
Rabotnicy «Minsk-Areny» dali kałoniju za «sadziejničańnie ekstremizmu»
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8989
Kamientary