Pietrapaŭłaŭski sabor u rajonie siońniašniaj Niamihi pabudavali jašče ŭ pačatku XVII stahodździa. Zaraz chram ličycca najstarejšym zachavanym budynkam Minska. Niadaŭna prosta na terytoryi carkvy adkryli kaviarniu pad nazvaj «Kifa» — ustanovu aktyŭna abmiarkoŭvajuć u sacsietkach. Asnoŭnaja tema dla sprečak u sietcy: ci karektna sumiaščać chram i hramadskaje charčavańnie, piša Onliner.by.
— Pieršapačatkova płanavałasia, što heta budzie miesca dla prychadžan. Ale my padumali, čamu b nie sumiaścić pryjemnaje z karysnym i nie pačać pryciahvać ludziej u chram praz taki pryjemny bonus, jak kava, — raspaviali supracoŭniki kaviarni.
Pavodle ich słoŭ, patok haściej rezka ŭzros za apošnija niekalki tydniaŭ. Choć sama kaviarnia pracuje z maja. Bolšaść supracoŭnikaŭ — tyja, chto byŭ u bractvach pry carkvie i zachacieŭ padtrymać inicyjatyvu.
Zaraz kaviarnia pracuje z 9:30 (pa niadzielach adkryvajecca krychu paźniej z-za doŭhaj słužby) da 18:00, ale hości ŭžo prosiać padoŭžać čas pracy.
Ziarniaty dla kavy vybrali z Brazilii, a desierty piače asabista matuška — žonka śviatara.
— Jość niejkija śpiecyfičnyja praviły naviedvańnia?
— Pa kanonach u carkvie ŭ žančyn pavinna być pakrytaja hałava, apranuta spadnica. A mužčyny, naadvarot, pavinny być biez hałaŭnych uboraŭ. Ale kali heta nie niejkaja supier-mini, a prosta džynsy, to čamu b nie zajści ŭ chram?
Niekalki razoŭ na tydzień u nas prachodziać sustrečy sa śviatarami, mini-ekskursii pa chramie. Ludzi, jakija zachodziać mienavita ŭ kaviarniu, sami prajaŭlajuć cikavaść. Pytajucca: a možna my zojdziem u chram, pahladzim? Časta zachodziać chłopcy ź niefarmalnaj źniešnaściu, jakija naŭrad ci trapili b u chram pry inšych abstavinach. I heta vielmi raduje, što praz kaviarniu my dasiahajem našaj mety.
— A jak na kaviarniu adreahavali sami prychadžanie?
— Jany naohuł u zachapleńni. I supracoŭniki chrama vielmi zadavolenyja. Časta kažuć, što bolej nie davodzicca zavarvać napoi ŭ siabie ŭ łarku, a možna vypić śviežuju kavu z smačnaj bułačkaj. Jašče i pažadańnie dobraj ranicy atrymać! Pakul asnoŭnaja častka miescaŭ za stałami raźmieščana na vulicy ŭ dvary chrama. Ale ŭ kaviarni ŭžo pačali zadumvacca, jak adaptavać prastoru pad chałodny siezon.
Naprykancy niekalki słoŭ pra nazvu. «Kifa» — imia, jakoje Isus daŭ apostału Piatru. Z aramiejskaj pierakładajecca jak «kamień». Nahadajem, što znachodzicca kaviarnia ŭ sabory śviatych apostałaŭ Piatra i Paŭła.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary