U Barysaŭskim rajonie adbyłasia avaryja z udziełam rejsavaha aŭtobusa
Avaryja zdaryłasia 30 studzienia kala pałovy adzinaccataj ranicy ŭ Barysaŭskim rajonie, na 21‑m kiłamietry aŭtadarohi R-63 Barysaŭ — Vilejka — Ašmiany, paviedamiła DAI Minskaj vobłaści.
Z-za techničnaj niaspraŭnaści na pałasie ruchu spyniŭsia aŭtobus «Nioman», jakim kiravała 46‑hadovaja žycharka Barysava.
Zzadu za aŭtobusam ruchaŭsia lehkavy Volkswagen pad kiravańniem 53‑hadovaha miascovaha žychara. Kiroŭca nie źniziŭ chutkaść, ubačyŭšy pieraškodu, i ŭrezaŭsia ŭ aŭtobus.
Na hetym avaryja nie skončyłasia: u Volkswagen, jaki ŭžo trapiŭ u DTZ, ujechaŭ aŭtapojezd — ciahač MAZ z pryčepam, što ruchaŭsia śledam.
U vyniku zdareńnia miedycynskaja dapamoha spatrebiłasia kiroŭcu Volkswagen. Paśla ahladu jaho adpuścili dadomu. Paviedamlajecca, što na momant avaryi mužčyna nie byŭ pryšpileny ramianiom biaśpieki.
Kamientary