«Niešta moža zdarycca»: Tramp zrabiŭ novuju zajavu nakont mirnych pieramoŭ ab Ukrainie
Sa słoŭ prezidenta ZŠA, pieramovy ŭ Abu-Dabi byli «vielmi dobrymi».
Prezident ZŠA zajaviŭ, što praciahvajucca «vielmi dobryja pieramovy» nakont vajny Rasii suprać Ukrainy. Pavodle jaho słoŭ, u vyniku pieramoŭ «niešta moža zdarycca», paviedamlaje Reuters.
«Adbylisia vielmi, vielmi dobryja pieramovy, jakija tyčacca Rasii i Ukrainy. Mahčyma, niešta zdarycca», — adznačyŭ amierykanski lidar u razmovie z žurnalistami.
Raniej Reuters paviedamlaŭ, što amierykanskija i ŭkrainskija pieramoŭščyki abmiarkoŭvali zaklučeńnie mirnaj damovy ŭ sakaviku, adnak hety termin, chutčej za ŭsio, budzie pieraniesieny praz dyskusii vakoł terytaryjalnaha pytańnia.
Akramia taho, krynicy Reuters paviedamili, što ZŠA i Ukraina abmierkavali pierśpiektyvy mahčymych refierendumu i vybaraŭ u mai.
Raniej staršynia Viarchoŭnaj Rady Ukrainy Rusłan Stefančuk zajaviŭ, što Rasija zaciahvaje pieramovy ŭ Abu-Dabi. Pavodle jaho słoŭ, takija pavodziny źjaŭlajucca tradycyjnaj sutnaściu RF, piša UNIAN
«Jana kaža: «My hatovyja na lubyja rečy bieź jakich-niebudź umoŭ, ale, ale, ale…». Jany zaciahvajuć hety praces. A dla nas važna, kab kankretnyja rašučyja dziejańni, jakija mohuć prademanstravać razam ukraincy i amierykancy, dali zrazumieć rasijanam, što im nieabchodna damaŭlacca pra zaviaršeńnie hetaj vajny», — padkreśliŭ Stefančuk.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary