Biełaruskaha chakieista, jaki kasiačyŭ u apošnich matčach u NCHŁ, pieravodziać na indyvidualnyja treniroŭki
«Čykaha» vyznačyŭ dalejšy płan raźvićcia 20‑hadovaha abaroncy Arcioma Leŭšunova.
U kłubie majuć namier skarektavać jaho hulniavuju nahruzku i zasiarodzicca na indyvidualnaj pracy nad klučavymi kampanientami hulni, piša «Biełaruski chakiej».
Biełarus rehularna vychodziŭ u składzie «Čykaha» z momantu debiutu ŭ Nacyjanalnaj chakiejnaj lizie ŭ minułym siezonie, adnak apošnim časam sutyknuŭsia z surjoznymi ciažkaściami.
U apošnich dzieviaci matčach abaronca nie nabraŭ nivodnaha bała, a ŭ papiaredniaj sustrečy Leŭšunoŭ ustanaviŭ biełaruski antyrekord u NCHŁ pa admoŭnym pakazčyku karysnaści («—5») za adzin matč (heta značyć padčas jahonaha znachodžańnia na lodzie kamanda prapuściła piać šajbaŭ)
Bolš za toje, Arciom uvajšoŭ u trojku najhoršych chakieistaŭ NCHŁ, u siezonie u jaho kaeficyjent karysnaści «-27», horšy za jaho pakazčyk karysnaści ŭ Lizie majuć tolki Brok Bozier («Vankuvier») i Makienzi Uihar («Kałhary») — pa «—30».
Trenierski štab adznačaje ŭ Arcioma prablemy ŭ hulni ŭ abaronie, u tym liku pracu z dystancyjaj, dziejańni kluškaj i vybar pazicyi, čym aktyŭna karystalisia sapierniki.
Leŭšunoŭ zastaŭsia ŭ zapasie na matč suprać «Kałambusa». Taksama čakajecca, što da alimpijskaj paŭzy jon budzie atrymlivać minimalny hulniavy čas abo naohuł nie budzie vychodzić na lod.
Da alimpijskaj paŭzy «Čykaha» praviadzie dźvie hulni: 3 lutaha kamanda prymie «San-Chase», a 5 lutaha zhulaje na vyjeździe suprać «Kałambusa».
Hałoŭny trenier «Čykaha» Džief Błešył paćvierdziŭ, što dla Leŭšunova padrychtavana asobnaja prahrama pracy. Jana ŭklučaje try klučavyja napramki: kidok, hulniu z šajbaj i dziejańni ŭ abaronie.
— My nie ličym, što na hetym etapie jamu nieabchodna adpraŭlacca ŭ farm-kłub i atrymlivać bolš hulniavoj praktyki. Jamu patrebny čas, kab pierazahruzić bazavyja elemienty hulni, — zajaviŭ Błešył.
U hetym siezonie Arciom pravioŭ 51 matč, nabraŭ 21 bał (2 hały i 19 pieradač), maje pakazčyk karysnaści «—27» i 32 chviliny štrafu. Paśla apošniaj sustrečy jaho biezvynikovaja sieryja dasiahnuła dzieviaci matčaŭ zapar.
Ciapier čytajuć
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4747
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie47
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary