Batsvana pryhraziła adpravić u Hiermaniju 40 tysiač słanoŭ z-za sprečki vakoł słanovaj kości
Ułady Batsvany rezka abvastryli kanflikt z Hiermanijaj vakoł palityki achovy słanoŭ. Ministr navakolnaha asiarodździa Vinter Bajpusa Małotsi zajaviŭ, što jaho kraina hatovaja «departavać» u Hiermaniju 40 tysiač słanoŭ.
Pavodle jaho słoŭ, vialikaja kolkaść słanoŭ u krainie pryvodzić da razbureńnia sielskahaspadarčych uhodździaŭ i hibieli ludziej, a zabarona na handal słanovaj kościu pazbaŭlaje dziaržavu srodkaŭ dla kampiensacyj fiermieram, piša Bild.
«Nam nie patrebnaja dapamoha ŭ raźvićci. My chočam zarablać ułasnyja hrošy, u tym liku i na žyviołach. Niadobra prasić miłaścinu. Kamuści, vidać, padabajecca bačyć nas u takim stanoviščy», — skazaŭ Małotsi.
Pryčynaj rezkich zajaŭ stała pazicyja Bierlina, jaki, jak i Jeŭrapiejski sajuz u cełym, vystupaje suprać adkryćcia navat siertyfikavanaha handlu słanovaj kościu.
Pavodle danych Małotsi, ciapier u krainie naličvajecca kala 150 tysiač słanoŭ, a na składach zachoŭvajecca 160 ton słanovaj kości, pieravažna ad žyvioł, što zahinuli naturalnaj śmierciu.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary
Roźnica z łukašenkaŭskim bulbastanam sapraŭdy nie vialikaja, a zaraz jašče saškiny pakistanskija imihranty padciahnucca- budzie ŭvohule viesieła. Słanoŭ niama-budziem hrozić šviedu zubrami abo babrami.)