U minskaj «Zialonaj havani» źjaviłasia biaspłatnaja łyžnaja trasa. Jana prachodzić pa poli dla holfa pobač z žyłymi kvartałami. Pakatacca možna biaspłatna, ale treba ŭziać z saboj łyžy i nieabchodny invientar, piša Realt.by.
Trasa atrymałasia ekskluziŭnaj i atmaśfiernaj. Jana naŭrad ci padydzie dla masavych katańniaŭ. Chutčej jaje aceniać tyja, chto addaje pieravahu spakojnamu adpačynku i pahružeńniu ŭ pryrodnuju idyliju. Dla łyžnikaŭ na akademičnym poli rasčyścili nievialikuju pałasu, jakaja piatlaje ŭzdoŭž pakrytych śnieham łužkoŭ i zabirajecca na akuratnyja «šviejcarskija» pahorki.
«My chacieli stvaryć miesca nie dla spabornictvaŭ, a dla katańniaŭ u zadavalnieńnie, kab praciaknucca charastvom studzieńskaj pryrody i atrymać asałodu ad momantu. Trasa budzie dastupnaja jak dla žycharoŭ «Zialonaj havani», tak i dla minčukoŭ i haściej ź inšych nasielenych punktaŭ. My zaprašajem usich zahłybicca ŭ hetu kazačnuju atmaśfieru. A paśla katańniaŭ možna prajścisia ŭzdoŭž «Zialonaj havani», dzie jašče možna zaśpieć navahodni dekor, zrabić fatahrafii i panazirać za ptuškami ŭ zakaźniku Ścikleva», — adznačajuć u «A-100 Deviełapmient».
Trasa budzie pracavać biez vychadnych dniom z 10:00 da 17:00. Adzinaje, što treba pryjechać abo pryjści sa svaimi łyžami. Pierad vychadam na trasu spatrebicca padyści da administratara holf-akademii, prajści instruktaž pa technicy biaśpieki i raśpisacca za jaho prachodžańnie. Usio heta biaspłatna.
Dla naviedvalnikaŭ dziejničaje biaspłatnaja parkoŭka kala holf-akademii. Tyja, chto nie za rulom, mohuć dabracca da «Zialonaj havani» na maršrutcy № 1222 ad stancyi mietro «Uschod» abo «Mahiloŭskaja».
Paśla arhanizatary prapanujuć prajścisia pa studzieńskaj «Zialonaj havani». Kompleks da śviataŭ aformili ŭ skandynaŭskim styli: na centralnaj płoščy sustrakaje skandynaŭski konik Dala na fonie pušystych jełak, za damami chavajucca «śniehiry», a ŭviečary efiektna śvieciacca fihury žycharoŭ lesu.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary