U cełym pa krainie ŭzrovień złačynnaści dasiahnuŭ 10‑hadovaha minimumu. Atrymałasia źnizić navat kibierzłačynnaść. A z dapamohaj sistemy videanazirańnia zatrymana ŭ 10 razoŭ bolš asobaŭ, jakija znachodzilisia ŭ vyšuku, čym u papiarednim hodzie.
Pa vynikach 2025 hoda ŭ Biełarusi źniziŭsia ŭzrovień kryminalizacyi hramadstva. Jak paviedamlaje hazieta «Na stražie», uzrovień złačynnaści ŭ krainie skłaŭ 700 vypadkaŭ na 100 tysiač nasielnictva. Heta samy nizki pakazčyk za apošnija 10 hadoŭ.
Siarod rehijonaŭ najmienšy ŭzrovień złačynnaści na 100 tysiač čałaviek nazirajecca ŭ Bresckaj vobłaści — 585 vypadkaŭ. A voś u stalicy hety pakazčyk byŭ samym vysokim — 775 vypadkaŭ.
U absalutnych vieličyniach ahulnaja kolkaść zarehistravanych kryminalnych dziejańniaŭ za hod skaraciłasia amal na 10 tysiač, što niepasredna paŭpłyvała na źnižeńnie kolkaści paciarpiełych hramadzian.
Zhodna ź milicejskaj statystykaj, kolkaść złačynstvaŭ pa linii kryminalnaha vyšuku skaraciłasia bolš čym na piatuju častku (-21,6%). Raskryvalnaść vyrasła da 84,2%, a pa samych ciažkich złačynstvach (zabojstvach, ciažkich traŭmach i hrabiažach) jana skłała 100%.
Pry hetym kolkaść zabojstvaŭ u paraŭnańni z papiarednim hodam skaraciłasia z 175 da 155, zhvałtavańniaŭ — z 84 da 69 vypadkaŭ.
Stanoŭčaja dynamika nazirajecca i ŭ śfiery abarony majomaści: kolkaść kradziažoŭ (u tym liku asabistaha transpartu) pamienšyłasia amal na 20%, a efektyŭnaść vyjaŭleńnia złačyncaŭ u hetaj śfiery vyrasła da 75,2%.
Važny faktar — dalejšaje ŭkaranieńnie technałohij. Respublikanskaja sistema manitorynhu, jakaja naličvaje bolš za 65 tysiač kamier videanazirańnia, dazvoliła vyjavić bolš za 4 tysiačy złačynstvaŭ, što ŭdvaja pieravyšaje pakazčyk papiaredniaha hoda.
Z dapamohaj hetaj sistemy było zatrymana kala 7,5 tysiač asob, jakija znachodzilisia ŭ vyšuku (u 2024 hodzie — kala 700), i zafiksavana bolš za 44 tysiačy administracyjnych pravaparušeńniaŭ (u 2024 hodzie — 7,4 tysiačy).
Paviedamlajecca, što ŭ 2025 hodzie taksama atrymałasia źnizić kibierzłačynnaść (-5,8%), na jakuju prypadaje kala 30% usich zarehistravanych kryminalnych dziejańniaŭ.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki3
Kamientary