Mierc vystupiŭ suprać nakiravańnia miratvorcaŭ va Ukrainu pad jeŭrapiejskim ściaham
Pavodle słoŭ kanclera Hiermanii, Jeŭropie ciapier varta zasiarodzicca na zadačach, jakija stajać pierad joj u hety momant.
Kancler Hiermanii Frydrych Mierc adchiliŭ prapanovu lidara pravacentrysckaj Jeŭrapiejskaj narodnaj partyi Manfreda Viebiera ab tym, što supolnaje jeŭrapiejskaje vojska mahło b adyhrać rolu ŭ paślavajennym padtrymańni miru va Ukrainie, piša UNIAN sa spasyłkaj na Politico.
Niadaŭna Viebier vystupiŭ z šeraham prapanoŭ, nakiravanych na ŭzmacnieńnie ŭpłyvu Jeŭrapiejskaha Sajuza na mižnarodnaj arenie. U pryvatnaści, jon prapanavaŭ, kab vajskoŭcy ź jeŭrapiejskich krain dziejničali pad adzinym ściaham va Ukrainie ŭ miežach paślavajennych harantyj biaśpieki.
Mierc pryvitaŭ sproby Viebiera refarmavać ES, adnak padkreśliŭ, što niekatoryja ź jaho idej nie źjaŭlajucca nieadkładnym rašeńniem prablem Jeŭropy. «My pavinny zasiarodzicca na zadačach, jakija stajać pierad nami zaraz», — zajaviŭ kancler Hiermanii.
Mierc davoli strymana pastaviŭsia da prapanovy Viebiera ab nakiravańni jeŭrapiejskich miratvorcaŭ va Ukrainu pad adzinym ściaham. U ahienctvie nahadali, što Hiermanija pakul nie pryniała rašeńnia ab svaim udziele ŭ miratvorčaj misii.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU6
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary