Мерц выступіў супраць накіравання міратворцаў ва Украіну пад еўрапейскім сцягам
Паводле слоў канцлера Германіі, Еўропе цяпер варта засяродзіцца на задачах, якія стаяць перад ёй у гэты момант.
Канцлер Германіі Фрыдрых Мерц адхіліў прапанову лідара правацэнтрысцкай Еўрапейскай народнай партыі Манфрэда Вебера аб тым, што супольнае еўрапейскае войска магло б адыграць ролю ў пасляваенным падтрыманні міру ва Украіне, піша УНІАН са спасылкай на Politico.
Нядаўна Вебер выступіў з шэрагам прапаноў, накіраваных на ўзмацненне ўплыву Еўрапейскага Саюза на міжнароднай арэне. У прыватнасці, ён прапанаваў, каб вайскоўцы з еўрапейскіх краін дзейнічалі пад адзіным сцягам ва Украіне ў межах пасляваенных гарантый бяспекі.
Мерц прывітаў спробы Вебера рэфармаваць ЕС, аднак падкрэсліў, што некаторыя з яго ідэй не з’яўляюцца неадкладным рашэннем праблем Еўропы. «Мы павінны засяродзіцца на задачах, якія стаяць перад намі зараз», — заявіў канцлер Германіі.
Мерц даволі стрымана паставіўся да прапановы Вебера аб накіраванні еўрапейскіх міратворцаў ва Украіну пад адзіным сцягам. У агенцтве нагадалі, што Германія пакуль не прыняла рашэння аб сваім удзеле ў міратворчай місіі.
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары