Украінскія войскі падчас контрнаступу, які некалькі месяцаў амаль не асвятляўся, ліквідавалі значную частку расійскага выступу на поўнач ад Лімана. Паводле аналітыкаў, на асобных участках фронт вярнуўся прыкладна да канфігурацыі мая 2025 года. Сур’ёзнасць сітуацыі прызнаюць і расійскія ваенныя блогеры.
На апублікаванай французскім OSINT-аналітыкам Клеманам Маленам анімацыі відаць, як змянялася лінія фронту з 22 мая да 5 верасня. Украінскія войскі паступова атакавалі флангі расійскага выступу, пасля чаго адкінулі праціўніка ў бок ракі Жарабец, Неўскага і Макееўкі.
Такім чынам, вынікі прыкладна года расійскага наступу на гэтым участку ў значнай ступені былі страчаныя. Дакладная плошча тэрыторыі, вернутай пад кантроль Украіны, пакуль застаецца незразумелай — DeepState карту не абнаўляе.
Пра праблемы расійскіх войскаў адкрыта піша і адзін з найбуйнейшых прарасійскіх ваенных каналаў «Рыбар». На думку аўтараў канала, тактычныя няўдачы могуць перарасці ў больш сур’ёзныя праблемы праз «няправільную ацэнку сітуацыі і сістэмную хлусню ў дакладах наверх».
Расійскі ваенны блогер Анатоль Радаў таксама заявіў, што ўкраінскі контрнаступ на гэтым кірунку працягваецца ўжо каля двух з паловай месяцаў, але расійскае камандаванне спрабавала яго замоўчваць.
Украінскі Генштаб пакуль не паведамляў пра маштабнае контрнаступленне.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары
[Зрэдагавана]