У Дзяржынскім раёне пад коламі смеццявоза загінуў 50‑гадовы пешаход. ДТЗ адбылося 11 верасня, каля 14:40 на вуліцы Лугавой у вёсцы Вішнёўка, паведамляе УДАІ УУС Мінскага аблвыканкама.
55‑гадовы кіроўца смеццявоза МАЗ рухаўся заднім ходам і наехаў на мужчыну, які знаходзіўся ззаду аўтамабіля.
Пешаход атрымаў цяжкія траўмы і загінуў на месцы здарэння.
У ДАІ нагадалі кіроўцам, што рух заднім ходам дазваляецца толькі ў тым выпадку, калі ён не стварае перашкод іншым удзельнікам дарожнага руху і гарантуецца бяспека. Пры неабходнасці кіроўцу рэкамендуюць звяртацца па дапамогу да іншых людзей, якія могуць сачыць за сітуацыяй ззаду аўтамабіля і падаваць адпаведныя сігналы.
Каментары