U pałovie Małdovy źnikła elektryčnaść, maštabny błekaŭt adbyŭsia taksama va Ukrainie
Prapała elektryčnaść u stalicy krainy Kišyniovie.
U častcy nasielenych punktaŭ Małdovy adklučyłasia elektraenierhija. Razmova idzie, prynamsi pra Kišynioŭ i pryharady (Staŭčany, Durlešty, Vatra), a taksama Tarakliju, Kahuł, Novyja Anieny, piša Newsmaker.md.
U Nacyjanalnym centry kiravańnia kryzisami paviedamili, što adklučeńnie źviazana ź niespryjalnymi mieteaumovami, a ŭrad paviedamiŭ pra surjoznyja prablemy ŭ elektraenierhietyčnaj sietcy Ukrainy.
Abanienty apierataraŭ suviazi skardziacca na pieraboi ŭ pracy sietak.
Taksama mytnaja słužba Małdovy paviedamiła pra časovuju adsutnaść elektrazabieśpiačeńnia na niekalkich punktach propusku.
Maštabny błekaŭt adbyŭsia taksama va Ukrainie.
U Kijevie, na Kijeŭščynie, Adeščynie, Mikałajeŭščynie, Sumščynie, Dnieprapiatroŭščynie — avaryjnyja adklučeńni.
Vodazabieśpiačeńnie adsutničaje pa ŭsim Kijevie.
Aficyjnych tłumačeńniaŭ pryčyn maštabnych prablem u enierhasistemie Ukrainy pakul nie było.
U Kijevie siońnia dniom minus 10‑12 marozu.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta10
Kamientary
Samaje paciešnaje, što heta, jak zvyčajnaje štodzionnaje adklučeńnie elektryki - navat nie zaŭvažyŭ hety blakaŭt. Usie hatovy, usio ŭžo aŭtanomnyja. U hmachaŭ 20+ pavierchaŭ - pramysłovyja hienieratary, a ŭ astatnich partatyŭnyja hienieratary i akumulatary. Pytańnie jak tam u Małdovie hatovy....
A słuchaju aŭdyjoknižku "Imia Ružy" - taksama dobraja historyja pra ciomnyja časy. Jak jany tam žyli ŭ tych kielijach zimoj biez aciapleńnia, hienierataraŭ i akumulataraŭ?