U Rasii litaraturnuju premiju ŭručyli Simańjan, Michałkovu i Prylepinu
Nacyjanalnaja litaraturnaja premija «Słova», zasnavanaja Rasijskim knižnym sajuzam i Sajuzam piśmieńnikaŭ Rasii, abviaściła svaich łaŭreataŭ, piša «Novaja hazieta Jeŭropa».
U naminacyi «Proza» pieramohu prysudzili Z-aŭtaru Zacharu Prylepinu za raman «Tuma».
U naminacyi «Paezija» pieramožcam pryznany Ihar Vołhin za zbornik «Niedatykalny zapas».
Śpiecyjalnuju ŭznaharodu žury za knihu «Spačatku było Słova, u kancy budzie Ličba» atrymała prapahandystka Marharyta Simańjan.
Hran-pry premii z ruk Dźmitryja Miadźviedzieva atrymaŭ Mikita Michałkoŭ.
U naminacyi «dramaturhija» pieramoh Juryj Palakoŭ, pjesa «Anioł upłyvu». Palakoŭ — były hałoŭny redaktar «Litaraturnaj haziety» i kiraŭnik Nacyjanalnaj asacyjacyi dramaturhaŭ. Jon publična apraŭdvaje žorstkaść Stalina «zapytam naroda», krytykuje «pierabudovu» i raspad SSSR, a taksama padtrymlivaje ideju «ruskaha śvietu». Letam jon skardziŭsia Pucinu na adsutnaść knih pra «SVA» i «zasille litaraturnych emihrantaŭ» u školnaj prahramie.
U naminacyi «dakumientalnaja litaratura» — Śviatasłaŭ Rybas, Kaciaryna Rybas za knihu «Stalin: Niejmavierny los». (Śviatasłaŭ Rybas — staršynia «Savieta histaryčnaj aśviety» Sajuza piśmieńnikaŭ, aŭtar šmatlikich knih pra Stalina, Si Czińpina i Danbas.)
U naminacyi «Małady aŭtar» uznaharodu atrymaŭ Dźmitryj Karniłaŭ za knihu «Ruski vals na afrykanskich prastorach, abo sapraŭdnaja historyja stvaralnika pieršaj PVK».
Śpiecyjalnuju ŭznaharodu imia Juryja Bondarava atrymaŭ udzielnik «SVA», Hieroj RF Maksim Bacharaŭ, jaki straciŭ na vajnie ruki i nohi.
Śpiecyjalnuju ŭznaharodu imia Kanstancina Simanava — Ihar Panin, aŭtar prajekta «Buchanka dla Danbasa» (u jaho miežach na front rasijskim vajskoŭcam dastaŭlajuć «patryjatyčnuju» litaraturu).
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary