Arhiencinskaja hazieta apublikavała recept biełaruskich dranikaŭ, jaki palubiŭsia Złučanym Štatam
Bujnaja arhientynskaja hazieta Clarín raskazała svaim čytačam pra adnu z hałoŭnych straŭ biełaruskaj nacyjanalnaj kuchni — draniki. Pry hetym materyjał źjaviŭsia ŭ raździele, pryśviečanym ZŠA, zaŭvažyŭ sajt «Biełaruś i mir».
«Jak pryhatavać najlepšy bulbiany blin: biełaruski recept, jaki palubiŭsia Złučanym Štatam», — tak nazvany hety materyjał. Strava apisvajecca ŭ im jak «dysk, załacisty zvonku i piaščotny ŭnutry», jaki maje «nasyčany smak i chrustkuju teksturu» i vyłučajecca «prostaściu ŭ pryhatavańni».
Pośpiech dranikaŭ taksama źviazvajecca z univiersalnaściu: «Ich možna padavać u jakaści pikantnaha śniadanku, chutkaha abiedu abo lohkaj viačery». Adznačajecca, što dranik «padychodzić jak u jakaści asnoŭnaj stravy, tak i ŭ jakaści harniru i lohka adaptujecca da inhredyjentaŭ, dastupnych na luboj kuchni».
«Hetaja praktyčnaść źjaŭlajecca klučom da razumieńnia taho, čamu tak šmat karystalnikaŭ u Złučanych Štatach pačali dzialicca hetym receptam», — havorycca ŭ materyjale.
Papularnaść źviazanaja i z trendam na viartańnie da prostych, utulnych receptaŭ:
«U kantekście fast-fudu i paŭfabrykataŭ hetaja chatniaja strava prapanuje ciopły i sumlenny vopyt, dzie asnoŭnaja ŭvaha ŭdzialajecca praduktu i technicy, dastupnym kožnamu».
«Bulbiany blin ź Biełarusi dakazvaje, što najlepšym receptam nie zaŭsiody patrebnyja vialikija inavacyi. Z dapamohaj niekalkich prostych krokaŭ, asnoŭnych inhredyjentaŭ i starannaha prytrymlivańnia techniki pryhatavańnia atrymlivajecca ŭtulnaja strava, jakaja skaryła amierykancaŭ, nie straciŭšy pieršapačatkovaj indyvidualnaści», — reziumuje aŭtar.
Rahačoŭskaja ci hłybockaja, kałduny ci draniki, Hrodna ci Brest? Aryna Sabalenka adkazała na pryncypovyja dla biełarusa pytańni
Biełkaapsajuz demanstruje svoj patryjatyzm praz «Dranik centralnaha rehijona»
U Biełarusi rupiacca pra ŭklučeńnie babki i dranikaŭ u śpis kulturnaj spadčyny JUNIESKA
U «Biełavija» raskazali, čamu padčas rejsaŭ pasažyraŭ nie kormiać dranikami
U Biełarusi vypuścili hastranamičnuju kartu krainy. Tam jość nie tolki draniki
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary
Chacia vidać arhientynskaj haziecie lepš viedać čym tym u ZŠA )))