Biełkaapsajuz demanstruje svoj patryjatyzm praz «Dranik centralnaha rehijona»
Biełkaapsajuz abviaściŭ, što dałučajecca da inicyjatyvy Ministerstva antymanapolnaha rehulavańnia i handlu, jakaja praduhledžvaje praviadzieńnie kožnaj piatnicy Dnia biełaruskaj movy i ajčynnych tavaraŭ. U miežach hetaj akcyi ŭ mnohich ustanovach hramadskaha charčavańnia Biełkaapsajuza pa piatnicach naviedvalnikam buduć prapanoŭvać śpiecyjalnuju stravu — «Dranik centralnaha rehijona».
Pavodle paviedamleńnia arhanizacyi, draniki buduć hatavać z samaj śviežaj bulby, zakuplenaj niepasredna ŭ žycharoŭ Minskaj vobłaści. Porcyja abiacaje być sytnaj: 150 hramaŭ dranikaŭ i 50 hramaŭ śmiatany. Košt takoj stravy składzie 2 rubli 99 kapiejek.
Pakaštavać «Dranik centralnaha rehijona» možna budzie va ŭstanovach Biełkaapsajuza, raźmieščanych na terytoryi Minskaj vobłaści — adsiul i nazva stravy.
Inicyjatyva źjaŭlajecca častkaj kampanii «Kožnaja piatnica — rodnaje, svajo», jakuju MARH zapuściła jašče ŭ śniežni 2025 hoda. Jana nakiravana na papularyzacyju biełaruskich tavaraŭ: žycharoŭ krainy zaklikajuć nabyvać miascovyja pradukty, nasić adzieńnie i abutak ajčynnaj vytvorčaści, a taksama karystacca biełaruskaj movaj.
Namieśnik ministra antymanapolnaha rehulavańnia i handlu Aleh Dzikun zaklikaŭ dałučacca da akcyi jak vytvorcaŭ i handlovyja sietki, tak i pakupnikoŭ. Ad biznesu čakajuć śpiecyjalnych «nacyjanalnych» źnižak pa piatnicach, a ad spažyŭcoŭ — aktyŭnych pakupak i publikacyj u sacyjalnych sietkach z tematyčnym chešteham #DzieńRodnahaSvajho.
U Biełarusi rupiacca pra ŭklučeńnie babki i dranikaŭ u śpis kulturnaj spadčyny JUNIESKA
U Minsku adkryŭsia restaran biełaruskaj kuchni z pamyłkaj u naźvie. Atrymałasia dvuchsensoŭna
U «Biełavija» raskazali, čamu padčas rejsaŭ pasažyraŭ nie kormiać dranikami
243 biełaruskija restarany i kaviarni śpiecyjalizujucca na nacyjanalnaj kuchni
U Mahilovie ŭzialisia papularyzavać asianiki. Što heta takoje?
Kamientary
całkam zhodny, dziela mianie draniki jak narkotyki dziela ivana z omsku