Аргенцінская газета апублікавала рэцэпт беларускіх дранікаў, які палюбіўся Злучаным Штатам
Буйная аргентынская газета Clarín расказала сваім чытачам пра адну з галоўных страў беларускай нацыянальнай кухні — дранікі. Пры гэтым матэрыял з’явіўся ў раздзеле, прысвечаным ЗША, заўважыў сайт «Беларусь и мир».
«Як прыгатаваць найлепшы бульбяны блін: беларускі рэцэпт, які палюбіўся Злучаным Штатам», — так названы гэты матэрыял. Страва апісваецца ў ім як «дыск, залацісты звонку і пяшчотны ўнутры», які мае «насычаны смак і хрусткую тэкстуру» і вылучаецца «простасцю ў прыгатаванні».
Поспех дранікаў таксама звязваецца з універсальнасцю: «Іх можна падаваць у якасці пікантнага сняданку, хуткага абеду або лёгкай вячэры». Адзначаецца, што дранік «падыходзіць як у якасці асноўнай стравы, так і ў якасці гарніру і лёгка адаптуецца да інгрэдыентаў, даступных на любой кухні».
«Гэтая практычнасць з’яўляецца ключом да разумення таго, чаму так шмат карыстальнікаў у Злучаных Штатах пачалі дзяліцца гэтым рэцэптам», — гаворыцца ў матэрыяле.
Папулярнасць звязаная і з трэндам на вяртанне да простых, утульных рэцэптаў:
«У кантэксце фаст-фуду і паўфабрыкатаў гэтая хатняя страва прапануе цёплы і сумленны вопыт, дзе асноўная ўвага ўдзяляецца прадукту і тэхніцы, даступным кожнаму».
«Бульбяны блін з Беларусі даказвае, што найлепшым рэцэптам не заўсёды патрэбныя вялікія інавацыі. З дапамогай некалькіх простых крокаў, асноўных інгрэдыентаў і стараннага прытрымлівання тэхнікі прыгатавання атрымліваецца ўтульная страва, якая скарыла амерыканцаў, не страціўшы першапачатковай індывідуальнасці», — рэзюмуе аўтар.
Рагачоўская ці глыбоцкая, калдуны ці дранікі, Гродна ці Брэст? Арына Сабаленка адказала на прынцыповыя для беларуса пытанні
Белкаапсаюз дэманструе свой патрыятызм праз «Дранік цэнтральнага рэгіёна»
У Беларусі рупяцца пра ўключэнне бабкі і дранікаў у спіс культурнай спадчыны ЮНЕСКА
У «Белавія» расказалі, чаму падчас рэйсаў пасажыраў не кормяць дранікамі
У Беларусі выпусцілі гастранамічную карту краіны. Там ёсць не толькі дранікі
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары
Напишите рецепт этого супердраника!!!