У Беларусі рупяцца пра ўключэнне бабкі і дранікаў у спіс культурнай спадчыны ЮНЕСКА
Беларусь імкнецца павысіць сваю турыстычную прывабнасць на міжнародным узроўні. У сувязі з гэтым цяпер рыхтуецца дасье пад назвай «Стравы з цёртай бульбы», каб уключыць іх у Спіс нематэрыяльнай культурнай спадчыны ЮНЕСКА. Пра гэта паведаміла падчас прэс-канферэнцыі начальніца ўпраўлення аховы гістарычна-культурнай спадчыны Міністэрства культуры Ірына Дашчынская.
Па словах чыноўніцы, беларускія спецыялісты зараз працуюць над нацыянальным дасье «Стравы з цёртай бульбы, традыцыі прыгатавання і спажывання ў Беларусі».
Яна таксама адзначыла, што на сёння Беларусь ужо прадстаўленая ў ЮНЕСКА чатырма аб’ектамі матэрыяльнай культурнай спадчыны і сямю нематэрыяльнымі.
Ірына Дашчынская падкрэсліла, што наяўнасць аб’ектаў у Спісе сусветнай спадчыны павышае іх статус, робіць іх і ўсю краіну больш вядомымі і цікавымі для турыстаў.
Як адзначыла супрацоўніца Мінкульта, захаванне гістарычнай і культурнай спадчыны неабходнае для ўстойлівага развіцця краіны і ўмацавання яе іміджу ў свеце.
Яшчэ адным прэтэндэнтам на ўнясенне ў спіс ЮНЕСКА, па яе словах, можа стаць беларуская маляванка. Распісаныя фарбамі дываны традыцыйна ўпрыгожвалі сцены ў сялянскіх хатах.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары