Ідэя напісаць ліст расійскаму кіраўніку Уладзіміру Пуціну з’явілася ў прэзідэнта Украіны Уладзіміра Зяленскага нядаўна. І на гэта ёсць свае прычыны, расказала выданню «РБК-Украіна» крыніца ў камандзе ўкраінскага прэзідэнта.
«Прэзідэнт гэта прыдумаў перад пачаткам форуму ў Пецярбургу і напярэдадні некаторых яго сустрэч у Еўропе», — сказаў суразмоўца «РБК-Украіна».
Адносна ж таго, што Пуцін наўрад ці канструктыўна адрэагуе на прапанову Зяленскага сесці за стол перамоў і дамовіцца пра мір, улічваючы яго апошнія заявы, то ў камандзе прэзідэнта Украіны ставяцца да гэтага спакойна.
«Няхай гаворыць. Пуцін убачыць там адно, расіяне — іншае, партнёры — трэцяе. Важна, што змест ліста ідзе ў Расію, перш за ўсё да тых груп там, якія маюць уплыў», — заўважыла крыніца «РБК-Украіна».
Увечары 4 чэрвеня на сайце Офіса прэзідэнта Украіны апублікавалі адкрыты ліст Зяленскага да Пуціна. У лісце ўкраінскі прэзідэнт прапануе расійскаму сустрэцца ў трэцяй краіне, каб дамовіцца пра доўгатэрміновы мір. Паводле слоў Зяленскага, Украіна гатовая на час гэтых перамоў спыніць агонь. Таксама ўкраінскі бок прапануе абмяняць палонных у фармаце «ўсіх на ўсіх», што стала б важкім пралогам да заканчэння вайны.
У Крамлі заявілі, што ўжо бачылі ліст Зяленскага, але Пуціну яшчэ не паказвалі. У той жа час прэс-сакратар прэзідэнта Расіі Дзмітрый Пяскоў сказаў, што калі Зяленскі сапраўды зацікаўлены ў сустрэчы, то можа прыехаць у Маскву.
Уладзімір Зяленскі звярнуўся да Пуціна з адкрытым лістом, які нагадвае ўльтыматум
Германія, Францыя і Брытанія распрацоўваюць план далучэння Расіі да перамоваў
Зяленскі: Я гатовы да прамых перамоў з Пуціным, каб завяршыць гэтую вайну
«Ёсць добрыя вынікі». Зяленскі пракаментаваў удары па аб'ектах у Расіі
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
А в бункері путін не має доступу до інтернету.