U Pinskim i Ivacevickim rajonach dva čałavieki pamierli ad ukusaŭ nasiakomych
U pieršym vypadku ŭkusiŭ šeršań, u druhim — pčała, paviedamlaje Dziaržkamitet sudovych ekśpiertyz.
U Pinskim rajonie 51‑hadovy mužčyna, zajšoŭšy ŭ dom, paśpieŭ skazać žoncy, što jaho na dvary ŭkusiła nasiakomaje, i pavaliŭsia. Miedyki kanstatavali śmierć mužčyny.
Anałahičny vypadak adbyŭsia ŭ Ivacevickim rajonie. Žychar Pinska pryjechaŭ zabrać plamieńnika. 67‑hadovaha mužčynu ŭ ruku ŭkusiła pčała. Piensijanier dastaŭ džała, praź niadoŭhi čas jon adčuŭ bol u vobłaści ŭkusu.
Dajšoŭšy da mašyny, mužčyna ŭpaŭ. Vyratavać jaho nie ŭdałosia.
Pavodle zaklučeńniaŭ ekśpiertaŭ u abodvuch vypadkach śmierć mužčyn nastupiła ad anafiłaktyčnaha šoku na ŭkus nasiakomych.
Ekśpierty rekamiendujuć pry najaŭnaści alerhičnaj reakcyi na ŭkusy nasiakomych prakansultavacca z doktaram, mieć pry sabie abo prymać siezonna antyhistaminnyja preparaty.
Kamientary
Viaskoŭca, pamierłaha ad adnaho ukusa pčały, ja sabie nie ujaŭlaju. Dažylisia ŭ haradoch da poŭnaha fiaska imunnaj sistemy pierad adnoj pčałoj? Adkul anafiłaktyčny šok z adnaho ukusa?