Vizavy centr Italii pasprabavaŭ pracavać pa žyvoj čarzie. Pratrymaŭsia dzień
Užo a 9‑j ranicy supracoŭniki vizavaha centru zrazumieli, što ideju treba zhortvać.
Vizavaja kansultantka Kaciaryna Alaksiejeva ŭ tyktoku raspaviała pra novaŭviadzieńnie ŭ vizavym centry Italii. Niekalki dzion tamu na dźviarach centru źjaviłasia abviestka, što z 17 pa 30 vieraśnia ludziej z dakumientami buduć prymać pa žyvoj čarzie — biez numarkoŭ.
Čarha ŭ pieršy dzień była šalonaja, ludzi pačali zajmać jaje z 6 ranicy. U vyniku a 9 hadzinie ludziam razdali numarki, i ciapier da 30 vieraśnia biez zapisu buduć prymać tolki pa ich.
— Heta nahladny prykład taho, čamu siońnia žyvaja čarha ŭ Biełarusi heta vielmi i vielmi drenna, — ličyć ekśpiertka. — Bo ludziej, jakija chočuć padacca na vizu, vielmi šmat. Popyt prosta šalony. Niemahčyma było nie čakać, što pačniecca adbyvacca niejkaje varjactva. Ale chto paśpieŭ — vialikija małajcy.
Na dźviery vyviesili novuju abjavu, u jakoj paznačana: biez papiaredniaha zapisu da 30 vieraśnia prymajuć tolki tych, chto paśpieŭ atrymać numarok u žyvoj čarzie 17 vieraśnia. Harantyj padačy dakumientaŭ u hety pieryjad niama, patencyjalny rezierv miescaŭ vyčarpany.
Na Niamizie zaŭvažyli vialikuju čarhu
Biełaruska atrymała polskuju vizu, ale nie pačała pa joj jeździć da zakryćcia miažy. Ci puściać jaje ciapier u ES?
Biełaruska zrabiła novy pašpart, a jon akazaŭsia niesapraŭdnym: Daviedałasia pra heta ŭ aeraporcie
Hienkonsulstva Ispanii ŭ Maskvie adnaviła pryjom zajaŭ na vizy
Kamientary